Karsazên jin di 8-ê adarê de li Diyarbekirê ne

Diyarbekir – Bi pêşengiya Yekîtiya Ode û Borsayên Tirkiyeyê, karsazên jin dê di 8’ê Adarê Roja Jinên Cîhanê de li Diyarbekirê bicivin. Serokê TOBB’ê Rifat Hîsarciklioglu jî dê tevli vê civînê bibe.

dtsogalipensariogluSerokê Odeya Bazirganî û Pîşesaziyê ya Diyarbekirê Galîp Ensarîoglu, derbarê hatina karsazên jin de, li odeyê agahî da rojnamevanan. Ensarîoglu, diyar kir ku îstîhdama jinan a li herêmê ji îstîhdama tevahiya Tirkiyeyê kêmtir e û da zanîn ku di nava îstîhdama tevahî ya Tirkiyeyê de îstîhdama çandiniyê ji sedî 45 e.

Ensarîoglu, wiha got: “Di çandiniyê de ji sedî 98’ê jinan li derveyî qeydan dixebitin. Li bajêran ji her 5 jinan jinek ku temenê wê ji 15 salî jortir e, dixebitin. Di pîşeyên profesyonel de rêjeya jinên dixebitin ji sedî 29 e. Di nava rêveberiyê û midûrtiyan de rêjeya mêran ji sedî 11 e lê ya jinan ji sedî 3 ye. Li Rojhilat û Başûrê Rojhilat ev rêje kêmtir e jî. Du sedemên vê hene. Koçberiya ji gundan ber bi bajêr ve û sedema destûrnedayîna xebata jinan e.”

Ensarîoglu, diyar kir ku dê di 6-7’ê adarê de bi organîzasyonek giştî rewşa jinên karsaz bibînin û wiha berdewam kir: “Desteyên karsazên jin ên di bin banê borsa û odeyên girêdayûi TOBB’ê de ava bûne, dê li Diyarbekirê bicivin û dê berên xwe yên ku li bajarên xwe dihilberînin raxin pêş çavan. Jin dê rewşa xwe ya heyî ya hilberîneriyê, rewşa îstîhdamê û pêşîlêgirtinên li hemberî kêmbûna îstîhdama jinan bi hev re parve bikin.”

 

(AKnews)

Bersiv :

Nêrîna te
Nav: