Ji bilî Goran hemû partiyên Kurdistanî civiyan

Li civînê de çar mijarên serekî hate nirxandin, ew mijar jî ji van xalên li jêr pêkhatibû:

1- Encama dawî ya serdana Serokê Herêma Kurdistanê ya Îtalya û Tirkiye.

2- Naveroka civîna dawî ya di navbera rêzdar Serok Komarê Iraqa Federal û Serokê Herêma Kurdistanê.

3- Guftûgokirina amadekirin û şandina şandekî ji partiyê siyasiyên Herêma Kurdistanê bo Bexdayê, bi mebesta civîna li gel îtîlafa nîştimanî û hevpeymaniya nîştimaniya Iraqî û aliyê siyasiyên dinê Iraqê û guftûgo li ser pêvajoya siyasiya Iraqê û helwesta Kurdistanê li ser kêşeyên di navbera Herêm û Bexda û ew peymanên ku hatine îmza kirin bi taybetî peymana Hewlêr.

4- Budçeya sala 2013 ê Iraqa Federal û berketiya Herêma Kurdistanê ji wê budçeyê.

Li vê civînê de biryar dan ku şanda partiyên siyasiyên Herêma Kurdistanê ji aliyê Serokê Herêma Kurdistanê ve bête pêkanîn.

Aliyê siyasiyên beşdarî li vê civînê kiribûn li jêrin:

Partiya Demokrata Kurdistanê

Yekîtiya Niştimaniya Kurdistanê

Yekgirtiya Îslamiya Kurdistanê

Komela Îslamiya Kurdistanê

Tevgera Îslamiya Kurdistanê

Partiya Sosyalîst Demokrata Kurdistanê

Partiya Zehmetkêşên(Kedkarên) Kurdistanê

Partiya Şu’î ya (Komunistên) Kurdistanê

Tevgera Demokratiya Turkmen

Tevgera Çaksaziya(reform) Turkmen

Lîsta Erbîlî Turkmenî

Encumena Gelê Kildan Suryan û Aşûr

Tevgera Demokrata Aşûrî

Lîsta Ermen