Çalakvaneke siyasî yê Kurdê Rojavayê Kurdistanê dibêje, PKKê bi hezaran ciwanên kurd xistine şer, ku ti xêra wê ji bo gelê me tine û derveyî wê jî bûye sedem sedî 50 gelê kurd li Rojavayê Kurdistanê koçber bibin.
Çalakvanê siyasî Şêx Nebî Fazil ji BasNewsê re ragehand: ‘’PKKê ti destkeftek li Rojavayê Kurdistanê bidest neaniye, tenê xizmetê ji hizra dijminan re dike, ku wek amûrekî tê bikaranîn û wî erkê xwe jî bicîh tîne û bûye sedem navçeyên rojavayê Kurdistanê bên vala kirin. Bi hezaran ciwan xistine qada şer, ku ti xêrekî wê jibo gelê me tine. Tenê kîn û nefretê di navbera gelê me û pêkhateyên din ên Sûriyê de diçîne.’’
Herwaha got: ‘’PKK bûye sedem sedî 50 gelê Kurd ji destpêka alozî û bûyerên Sûriyê heta îro ji ber siyaseta xelet a PYDê ku baskê PKKê ye li hember gelê me pêkaniye, ku ew jî bi zorê leşkerî û xwandina îdeolojîk û qebûl nekirina hizr û fikrên cuda ye.’’
Şêx Nebî Fazil got, hemû wan pêkanînan wisa kiriye ku ew desthilat bibe sedemê jinavbirin û wêrankariyê.
