Nêçîrvan Barzanî Serokwezîrê Herêma Kurdistanê, roja sêşemê 27.03.2018 li bajarê Hewlêrê, pêşwazî li Lieutenant General Sir John Lorimer Şîretmendê Arteşa Brîtanyayê ji bo karûbarên Rojhilata Navîn û Nûnerê Theresa Mey Serowkezîra Brîtanyayê û şandeya pê re kir, ku ji John Wilks Balyozê Birîtaniyayê li Îraqê, John Sharp Konsulê Giştiyê Birîranyayê li Herêma Kurdistanê bi wekalet û hijmareke diplomatkar û berpirsên leşkerî pêk hat bû.Di civînekê de ku, Qubad Talebanî Cîgirê Serokwezîr, Fuad Hisên Serokê Dîwana Serokatiya Herêma Kurdistanê û hijmareke wezîr û berpirsên Herêma Kurdistanê amade bûn, şandeya Birîtanyayî serkeftin û qurbaniyên xelk û Pêşmergeyê Kurdistanê di şerê dijî terorê û hevahengiya navebra Pêşmerge û şîretmendên arteşa Birîtanyayê di şerê dijî terorê de bilind nirxand, piştgiriya welatê xwe jî ji bo hevkarîkirina pêşmerge û moderkirina Wezareta Pêşmerge û zêdetir pêşxistina têkeliyên navebra Hewlêr û Londonê nîşan da.
Nêçîrvan Barzanî ji bona wan alîkarî û hevkariyên di warê leşkerî de di dema şerê dijî DAÎŞê de pêşkeşî Herêma Kurdistanê kirine, sipasiya Birîtanyayê kir û hêvî xwest ew hevkarî û hebvahengî berdewam be.Di civînê de behsa rewşa herêmê bi giştî û têkeliyên navbera Hewlêr û Bexdayê bi taybetî hate kirin û div ê çerçoveyê de ew gavên heta niha hatine avêtin weke vekirina balefirxaneyan û dabîn kirina beşek ji miaşê karmendên Herêma Kurdistanê bi gavên baş hatin nirxandin û pêdagirç li ser berdewam bûna diyaloga navbera Hewlêr û Bexdayê kirin.
