Hereketa Azadîyê Li Amedê Seredana PAKê Kir

Îro li Amedê heyeta  Hereketa Azadîyê  seredana  Partîya  Azadîya  Kurdistanê(PAK) kir.Heyet ji  Sekreterê Giştî  yê  Hereketa  Azadîyê   rêzdar Adem  Geverî,  Sekreterê Kar û Barên Sîyasî û Hiqûqî  rêzdar Sidqî  Zîlan, Koordînator  rêzdar Ömer  Sönmez û  endama Birêveberîyê  rêzdar Sevda Özcaner pêk hatibû.

Heyeta  Hereketa Azadîyê, li Navenda Giştî ya PAKê ji alîyê Serokê Giştî yê  PAKê rêzdar  Mustafa Özçelik Cihgirê Serokê Giştî  Nuri Sinir, Endamê  Bireveberîya  Navendî  Vahit  Aba û bireveberên PAKê  ve hate pêşewazî kirin.

Sekreterê Giştî  yê  Hereketa  Azadîyê   rêzdar Adem  Geverî, ev seredana wek îade-î  zîyaret binav kir û got, ’’ Bi taybetî  jî  jibo  li dijî  ‘ixtarnameya’  Serdozgerê  Mehkemeya  Bilind ya Tirkîyê em piştgirîya  Hereketa  Azadîyê  nîşan bidin em li vê derê nin. Ev sucdarî û îxtarnameya Serdozgerî ne bes jibo PAKê ye, herweha jibo me gişa ye. Em bi her awayî amade ne ku bi PAKê re li dijî vê yekê, helwesteke Kurdistanî pêk bînin’’

Serokê Giştî yê PAKê rêzdar Mustafa Özçelik jî  xêrhatina heyetê kir  û got  ‘’Hereketa Azadî  îro bi daxuyanîyekê  piştgirîya  PAKê kiribû. Ev hatina we jî dubare helwesteke  Kurdistanî  û dostane ye. Em spasiya we dikin. ‘’

Di derbarê rojeva Kurdistanê, yekitîya neteweyî, hilbijartinan  û  ‘’ îxtarnameya’’  Mehkemeya  Bilind de herdu alîyan nêrînên xwe bilêv kirin.
Herdu alîyan jî jibo pêşdebirin û xurt kirina têkilîyên Hereketa Azadî û PAKê hemfikir bûn. Hevdîtina  Hereketa  Azadî  û PAKê di atmosfereke dostane û germ de de  bidawî  hat.

11.03.2015
Buroya  Çapemenî  û  Regehandinê ya PAKê