Em bi yekitiya miletê xwe bersiva êrîşa Hewlêrê bidin
DİVÊ EM Bİ YEKİTÎYA MİLETÊ XWE BERSÎVA ÊRÎŞA HEWLÊRÊ BİDİN
Dijminên miletê kurd, dijminên Kurdistanê bi destên kirêgirtiyên El Qîdeyê, li Hewlêra paytext êrîşeke hovane anîn ser gelê me. Ev êrîş li dijî serkeftina Dewleta Başûrê Kurdistanê ye, li dijî serbilindiya demokrasiya Kurdistanê ye û li dijî azadiyê, li dijî pêşketinê ye. Aramî û ewlehiya Başûrê Kurdistana nimûneyek e li Rojhialta Navînê. Ev êrîşa xêrnexwazan, li dijî aramî û bipêşdeketina Kurdistanê ye.
Ew ên ku dixwazin sînorê sebir û baweriya miletê me biceribînin, ji bîr dikin ku heta niha bi Helebçeyê, bi ênfalê û bi qetliamên hovane miletê me serê xwe netewandiye û wê ji îro pê ve jî netewîne. Ew ê tu kes nikaribin rê li ber azadî û serfirazîya milletê me bigirin. Ala Kurdistanê bi rûmetî û bi piştgiriya her çar perçeyên Kurdistanê, bi hestên neteweyî dê li ser axa Kurdistanê biheje. Dewleta Federal ya Başûrê Kurdistanê hêvî, rûmet û serbilindiya me hemû kurdan e. Bi hemû hebûn û baweriya xwe em ê li gel dewleta xwe bin. Divê hemû hêzên neteweyî yên her çar perçeyan bi awayekî birayetî destê hev bigrin û aramiya Kurdistanê biparêzin; yekitiya xwe çê bikin.Yekitî berxwedana herî mezin e ku karibe rê li ber êrîşan bigire.
Em sersaxiyê ji malbatên şehîdên vê erîşe û ji miletê xwe re dixwazin. Saxî û sihhetê ji birîndarên xwe re hêvî dikin.
Bijî kurd û Kurdistan
Bijî Dewleta Ferderal ya Başûrê Kurdistanê
Bijî mafê çarenûsiya miletê kurd
KOMÎSYONA DÎYALOGÊ YA Jİ BO PROJEYEKE SÎYASÎ YA NÛ
