Êdî PDK vê yekê qebûl nake…

Komîteya bilind ya hilbijartinan ya PDKê bi tundî li hember rêgirîkirina çekdarên PKKê li kandîdên PDKê li Şingalê nerazîbûn nîşan da û bang li hikûmeta Iraqê vê yekê çareser bike.

Duhî dema kandîd û kadro û berpirs û endamên PDKê dixwastin bo xebatên hilbijartinên giştî yên Iraqê derbasî devera Şingalê bibin, çekdarên PKKê rêya wan girtin û nehîştin.

Komîteya bilind ya hilbijartinan ya Iraqê li ser vê rewşê daxuyaniyek belav kir û bi tundî nerazîbûn nîşan da.

Di daxuyaniyê de hatiye gotin, mixabin hêzeka ne rewa û ne Iraqî dikare bi hêsanî pêşiya kandîdên PDKê bigire û nehêle jiyana xelkê devera Şingalê normal bibe.

Komîteya hilbijartinan ya PDKê hikûmeta Iraqê bi xemsartiyê tohmetbar kiriye û gotiye, bi rastî mirov şaş dimîne ji vê helwesta hikûmeta Iraqê.

Komîteya hilbijartinan ya PDKê bang li hikûmeta Iraqê û komîsyona hilbijartinan ya Iraqê jî kiriye demildest rêgiriyên PKK û binpêkirinên wan li devera Şingalê û parêzgeha Neynewa bidin sekinandin û serpêçîkaran jî siza bidin û atmosfereka munasib bo xebatên hilbijartinan bixulqînin. Êdî PDK vê yekê qebûl nake.

Nerîna min :