Piştî ketina helîkoptereke Apache ya leşkerî ya Amerîkî li Tengava Hurmuzê, aloziyên di navbera Washington û Tehranê de gihîştin astek bilind. Piştî êrîşên Amerîkayê yên li ser pergalên parastina hewayî û radarên Îranê bi hinceta “parastina xwe”, Pasdarên Şoreşa Îranê bi tundî baregehên leşkerî yên Amerîkî li Behrêyn û Urdunê kirin armanc. Tehran ragihand ku her êrîşeke din a Amerîkayê dê di cih de bê bersivandin.
Ketina helîkopterê li Tengava Hurmuzê krîzeke mezin li Rojhilata Navîn çêkir. Ê
Fermandariya Navendî ya Amerîkayê (CENTCOM) ragihand ku piştî xistina helîkoptera Apache êrîşên tolhildanê li dijî Îranê dest pê kirine. CENTCOMê diyar kir ku operasyon ji bo “parastina xwe” hatiye kirin û got, “Ev operasyon bersiveke rêjeyî ye ji bo êrîşkariya neheq a Îranê.”
Di cih de piştî van daxuyaniyan, medyaya Îranê ragihand ku li bajarên Sirik, Girava Qeşm û Bandar Abbas ên li parêzgeha Hurmuzganê dengê teqînên bilind bihîstine.
Di germahiya kêliyê de, Serokê Amerîkayê Donald Trump daxuyaniyek bilez da. Trump di axaftina xwe ya bi ABC re operasyon piştrast kir û got:
“Pir girîng e ku bersiv were dayîn. Wan helîkopterek xist xwarê, û em niha tolhildanê dikin.”
CENTCOMê di saetên serê sibê de hûrguliyên operasyonê parve kir û ragihand ku êrîş temam bûne û nêzîkî 4 saetan dom kirine. Daxuyaniyê destnîşan kir ku cebilxaneyên rêberiya rast hatine bikar anîn, ku ji balafirên şer ên Hêzên Hewayî û Deryayî yên Amerîkayê hatine avêtin.
Hat ragihandin ku pergalên parastina hewayî yên Îranê, stasyonên kontrolkirina bejayî û tesîsên radara çavdêriyê yên nêzîkî Tengava Hurmuzê di êrîşê de hatine hedefgirtin û tekez kir ku operasyon di heman demê de bersivek ji bo êrîşên li ser keştîyên bazirganî yên navneteweyî ye.
Bersiva rêveberiya Îranê ji bo operasyona nîvê şevê ya Amerîkayê bilez bû. Artêşa Pasdarên Şoreşa Îranê ragihand ku piştî êrîşan baregehên stratejîk ên Amerîkayê li Rojhilata Navîn hatine hedefgirtin. Daxuyaniya fermî destnîşan kir ku bi tevahî 21 hedef li baregehên deryayî û hewayî yên Amerîkayê yên li herêmê hatine lêdan.
