Wezareta Derve ya Amerîkayê her sal ji her aliyê cîhanê 10 ciwanan xelat dike. Di merasîma îsal de ku 2ê Gulanê pêk hat 2 keçên ciwan jî hêjayî wê xelatê hatin dîtin.Keça Kurd a Êzdî Zînê Salim ku li Lîtvanyayê dijî û keça Kurd Sara Ebdulla Ebdulrahman ku li Kerkûkê dijî îsal ji aliyê Wezareta Derve ya Amerîkayê ve hatin xelatkirin.Ew ciwana Kurdên Êzdî ji ber pêkanîna aşitiyê, têkoşîna li dij tundrewiyê û bihêzkirian ciwanan û di mijarên din ên civakê ji aliyê wezaretê ve hat xelatkirin. Ciwana ji Kerkûkê jî ji ber xebatên wê yên di dezgehên sivîl ên ji bo alîkariya jin û zarokan û herwiha xebatên wê yên di mijarên mafên mirovan de hêjayî wê xelatê hat dîtin.Nûnera Hikûmeta Kurdistanê ya Amerîkayê Beyan Samî Ebdulrehman jî beşdarî merasîma xelatdayînê bû û li ser hesaba xwe ya Twitterê wêneyê herdu keçên Kurd belav kirin û got, “ Herdu keçên Kurd ji ber rola ya ji bo aşitiyê hêjayî xelat hatin dîtin.”
