“Daxwaza Lêborînê Dıkım”

“Daxwaza Lêborînê Dıkım”

Evro 1 ê Xezîranê 2010.Bîrewerîya 35 emîn salvegera damezrandına YNK (Yekîtî Nıştımanî Kurdıstan).
Herweha evro 3 yemîn Konreya YNK bû.Ahenga Kongreyê dı yekemîn roja xwe de bı rêka kenalên tv yên Kurdıstanêve bı şêweyekî yekser bo ra ya gıştî ya neteweyî û navneteweyî jî dıhate veguhastın.Jı vexwendına mêvanan û jı kesayetên beêdarbûyên Kongreyê,gelekî aşkerabû ku grîngîpêdaneka baş bı evê Kongreya YNK ê hebû.Bêguman jıber rewşa YNK ya taybet ku dı qonaxeka arêşedarre derbas dıbe û zêdebarî jıber ku ıraq bıxwe jî eve maweyeke ku helbıjartınên seranserî yên parlemanî pêk anî û hê jî jıber nakokîyên navxweyî yên grûbî,olî û pîrneteweyî ûhd.heta nıha nıkarîn hukûmeta xwe dabımezrînın,eve jî kartêkırıneka berbıçav lı ser zêdebûna grîngîpêdana evê Kongırê kırıbû.

Jı bılî grîngîpêdana gıştî,grîngîpêdaneka taybetî hebû ku ez bı fer dızanım îşaretê pê bıdım;ew jî grîngîpêdana grûbên şîîyên ıraqê bûn.Belê ev grîngîpêdan ı YNK bêtır grîngîpêdana bı Kurd û desthılatdarîya Kurdıstanê bû.(Lê mıxabın bo rewtên sunneyan mırov nıkare heman tıştî bîne zıman).Belkî cara pêşîne ku serkırde û sîyasetmedarên ereb ewqasî zêde ûşeyên Kurd û Kurdıstan tînın ser zımanên xwe pesnên desthılatdarî û serokatîya Kurdıstanê dıdın.Eve jî ewê yekê dıde xuyakırın ku doza Kurd gehıştîye astekî bılınd û kıryar û bıryarên Kurd lı ser astê ıraq û herêmê jî,derbarey kıryar û bıryarên sîyasîde bûne xwedan seng û vebır.

Jı alîyekî dîve dı çarçova welatên ewrûpî û navneteweyî de jî grîngîpêdana bı doza Kurdî û desthılatdarîya wê ya sîyasî bı şêweyekî berıçav bû.Nûnerên partî û hukûmetên welatên ewrûpî û dezgahên navneteweyî her hemî jî îşaret bı zılm û zordarîya lı ser Kurda dan û dı evî maweyê kurt yê 20 salîde avadankırın û pêşvebırına Kurdıstanê,bı ıstıqrarkırın û demokratîzekırına Kurdıstn û Iraqê jî pır bı gırıngî nırxandın û dı evî warî de şanazî bı Kurda û desthılatdarîya wan ya sîyasî bırın.Zêdebarî pıştevanîya xwe jî bo doza rewa ya Kurd dupat kırın. Eve jî wê ykê dıselmîne ku dı evan çend salên borîde peywendîyên dîplomasîya Kurd dı çarçowê herêmî û navdewletî de jî ta radeyekî serkeftıneka berbıçav encam daye û bûye cıhê rêzgırtın û gırîngîpêdana navneteweyî.

Belê bı mın waye,ya jı evan xalan hemîyan grîngtır û bı hêztır ku bala mın kışand û bû cıhê rêzgırtına mın û belkî ya gelek kes û kesayetîyên dî yên Kurd jî,beşdarbûna serokê Herêma Kurdıstanê,Mesûd Barzanî bû.Bı taybetî jî gotara serok Barzanî ya pır beha ku têda bı şêweyekî cewherî behsa rewşa Kurdıstanê û Iraqê dıkır û bo pêşerojê jî bawerî û pıştrastîya Kurda ya bı kesayetîya Kurda bıxwe û bı desthılatdarîya wan geş dıkır,zêdebarî bı çend gotınên kurt behsa ewî şerrê navxweyî,”şerrê xwekujî”kır û jıber ew şehît û mexdûrên ewî şerrî jî got;”ez daxwaza lêbornê dıkım”.Belê,Serok careka dî kesayetîya xwe ya mezın û hestê xwe yê berz yê neteweyî dupat kır.Serok evê carê dı Kongıra YNK de,beramber ra ya kıştî ya navxweyî û navneteweyî û lı ser kanaên tv yên Kurdıstanê û bı şêweyekî yekser,bı hestpêkırın û bı hızırkırıa berpırsîyarîya Serokatîya Kurdıstanî,lı şûna hemî ew alîyên ewî şerrê “xwekujî”daxwaza lêborînê jı hemî kesî kır.Heta nıha çı berpırs û lîderekî dî bı evê merdîyê daxwza lêborînê jı Gelê Kurd û mexdûrên ewî şerrî nekırıne.

Bı mın waye ev helwestê henê pır bı cur et û watedar bû.Serokê Kurdıstanê jıxwe dı çavên Kurda de her cıhê rêz û şanazîyê û kesayetek mezın bû.Belê jı evê kêlîyê û pêde bêguman dê dı dılû çavên neteweya Kurd de her û her mezıntır bıbe û zêdebarî dê bıbe cıhê bawerî û pıştrastîya Gelê Kurd bo mısogerkırına mafên rewa yên pêşeroja wî bıxwe jî. 
Hêvîdarım ev hest û helwestên lêborînê dı nava hemî sîyasetvan,berpırs û serkırdeyên Bızava Rızgarîxwaza Kurdıstanê de berbeav bıbe û bıbe nesîbê hemî alîyekî.

Selîm Gıresorî
01 06  2010

Nerîna min :