Center For American Progressê li Amedê seredana PAKê kir

Îro(28.04.2015) ji Center for American Progressê Pisporê rojhilata navîn rêzdar Michael  Werz, pisporê Pentagon û  Ewlekarîyê rêzdar  Max Hoffman û ji  Middle East İnstituteyê rêdar Gonul Tol li Amedê seredana Navenda Giştî ya PAKê(Partîya Azadîya  Kurdistanê) kirin.
Serokê Giştî yê PAKê rêzdar Mustafa  Özçelik  û rêveberên PAKê pêşewazîya heyetê kirin.

Rêzdar Michael  Werz jibo hevdudîtinê sipasîya xwe bilêv kir. Rêzdar  Werz got , Center for American Progress dezgeheke nêzî  Partîya   Demokrat ya Emerîka ye. Herweha behsa hevdudîtinên xwe yên li gel hin siyasetmedarên li Kurdistanê kir. Rêzdar  Michael  Werz got  ‘’Em dixwazin PAKê  û  bîr û ray û siyaseta wê nas bikin. Jiber vê yekê em hatine seredana we’’

Rêzdar Werz behsa siyaseta Emerîka ya di derbarê pirsa Kurd  û têkilîyên Emerîka yên li gel başûr û rojavayê Kurdistanê kir. Rêzdaran Max Hoffman û Gonul Tol jî bi pirs û agahdariyên xwe ve  , xwestin di derbarê PAKê  zêdetir  malûmatan werbigirin..
Serokê Giştî yê PAKê rêzdar Mustafa  Özçelik  jî jiber seredana wan spasîya mêvanan kir .

Rêzdar Özçelik, bi berfirehî, behsa avakirina PAKê, seredana jibo  Wezareta  Navxweyî ya  Tirkîyê, helwesta Mehkemeya Bilind ya Tirkîyê û bersîva PAKê kir. Herweha behsa bername û siyaseta PAKê ya di derbarê bakurê Kurdistanê û bi giştî herçar perçeyên Kurdistanê kir.
Hevdudîtina  PAKê û heyeta C enter for American Progressê bi pirs û bersîv û sohbeteke berfirehî  ji seetekê zêdetir  berdewam kir.Hevdudîtin bi awayekî  berhemdar bi dawî hat û herdu alîyan jî pêwîstîya berdawîmîya van dîyalogan bilêv kirin. 28.04.2015

Buroya  Çapemenî  û Ragehandinê ya Partîya Azadîya  Kurdistanê(PAK)