Nêçîrvan Barzanî Serokê Herêma Kurdistanê, pêşwaziya birêz David Hunt Konsolê Giştiyê nû yê Brîtanya li Herêma Kurdistanê kir.
Li hevdîtinê de Serok Nêçîrvan Barzanî ji bilî bixêrhatinê, pîrozbahiya destbikarbûnê lêkir û hêviya serkeftinê ji bo wî xwest, hemû piştgîriyek jî ji bo serxistina kar û erkên wî de nîşan da. Her du alî tekez li ser pêşxistina peywendiyên du alî û berfirehkirina warên alîkarî û hevbeşiya di navbera Herêma Kurdistanê û Şahnişîna Yekgirtî kir.
Birêz Konsolê Giştiyê Brîtanya ronahî kir ku plan û bernameyeke tije ji bo pêşxistina peywendiyên welatê xwe ya li gel Herêma Kurdistanê de heye û li gel tîmê xwe kar li ser dike. Her wiha pêgiriya Şahnişîna Yekgirtî ya bi berdewamiya piştgîrî û aramiya Herêma Kurdistan û Iraqê dûpat kir û pesnê alîkarî û hemahengiya Wezareta Pêşmergeya Hikûmeta Herêma Kurdistanê li gel Wezareta Berevaniya Brîtanya kir.
Karkirina ji bo berfirehkirina warê bazirganî û sermayeguzarî û çalakiyên kerta taybet ya li navbera her du aliyan da, rewşa Herêma Kurdistan û Iraqê bi giştî, kêşeyên Hewlêr-Bexda, pêşhatên dawî yên şerê dijî terorê û metirsiyên serhildana Da’îş, hilbijartinên paşerojê ya Iraqê, pêşketinên navçeyê û çend pirseke girîng û hevbeş, mijarên dinê hevdîtinê bûn.
