Bîranîna Şoreşa Îlonê bikin bingeha yekrêzî û pêkvejiyana hemû pêkhatên Kurdistanê..

Bi minasebeta bîranîna Şoreşa Îlon a pîroz serokê herêma Kurdistanê Nêçîrvan Barzanî daxûyaniyek ragihand. Serokê Kurdisyanê Nêçîrvan Barzanî di peyama xwe de dibêje: Şoreşa mezina Eylûlê îradeyeke polayîn û bingeheke li gelê Kurdistanê da dirust kir ku êdî tu demekê nedibû bişkê..

Peyama serok Nêçîrvan Barzanî:

Li bîranîna şêst saliya hilpêkirina şoreşa mezina Eylûlê da, bi rêz û rûmetê ve bîranîna rêberê şoreşê Barzaniyê Nemir û hevalên wî û tevahiya şehîdên şoreşê û Kurdistanê dikîn, silav û rêz ji bo giyanê wan yê pak dişînin û serê rêz û rûmetê li ber wan da ditewînîn.

Şoreşa mezina Eylûlê, dawika şoreşên Kurdistane ku yek ji serdemên herî dijwarên dîrokê de hemû çîn û pêkhatên Kurdistanî li bin serkirdayetiyeke cihê baweriyê û li îradeyeke yekgîrtî da komkir bo ku pêkve û bi navê yek armancê da berengariya sîtem û zordariyê bibin û daxwaza azadî û mafên xwe bikin.

Şoreşa mezina Eylûlê îradeyeke polayîn û bingeheke li gelê Kurdistanê da dirust kir ku êdî tu demekê nedibû bişkê, ji bo wê yekê piştî alîkariyên navdewletiya li şoreşê, demeke kêm de gelê Kurdistanê rêzên rêkxist û dûbare hate nav kora xebat û têkoşîn û rûbirûyê hemû hêz û çek û zebir û zengeke desthilatiya wê demê ya Iraqê bû.

Şoreşa mezina Eylûlê û bandor û pêgeh û dengvedana wê ya li ser asta navçeyê û cîhanê, bûne bingehek ku rêkeftina 11ê adarê û hemû destkeft û pêşketinên piştî wê gelê Kurdistanê li ser avakirin, destkeftê herî mezin jî dirustkirina şanazî û nasnameya niştimanî û neteweyî û îrade û giyanê berengarî û berdewamiyê bû ku gelê Kurdistanê bi îro gihand.

Bila bîranîna şoreşa mezina Eylûlê ku şoreşa tevahiya gelê Kurdistanê bû, bikîn hewên û bingeha yekrêzî û tebayî û pêkvejiyana hemû pêkhatên Kurdistanê û bi heman giyana şoreşê, bi navê paşerojeke baştir û çespandina federalî û parastina kiyan û qewareya Herêma Kurdistanê û destkeftên wê da, pêkve hengavan bavêjîn û kar bikîn.

Herdem bilind û bi rûmet bê bîranîna şoreşa mezina Eylûlê û silav û rêz ji bo giyanê pakê şehîdan.

Nêçîrvan Barzanî

Serokê Herêma Kurdistanê

11.09.2021

Nerîna min :