Polîtîk

Bila YNK bi 21 kursiyan daxwaza tiştên mezin neke!

Endamekî serkirdetiya PDKê dibêje, PDK dikare bêyî partiyên din hikûmeta nû ya Kurdistanê pêk bîne ji ber ku kursiyên wê têra rêjeya %50+1 dikin.

Endamê serkirdetiya PDKê Nûrî Heme Elî ji BasNewsê re got, PDKê di hilbijartinên Kurdistanê de serkeftinek mezin bi dest xist û piraniya kursiyan bi dest anî. Ji ber wê jî dikare bi tenê hikûmetê pêk bîne çimkî kursiyên wê têra rêjeya %50+1 dikin.

Nûrî Heme Elî her wiha got, qesta min ji vê yekê ew e ku YNK bi 21 kursiyan nikare daxwaza postên mezin bike. Mirov divê bi qasî bejna xwe kincên xwe bide dirûnê. Em dikarin ji ber xatirê rewş û şertên Kurdistanê beşek ji desthilatê bidin YNKê lê eger ew sînoran derbas bikin û daxwaza postên mezin bikin wê çaxê rewş tê guhertin.

Wî berpirsê PDKê da xuyakirin ku PDKê gelek caran nermahî nîşan daye û got, lê mixabin hinek partiyan ew nermahî xirab bikar anîn. Divê ew hişyar bin û êdî mîna berê hikûmetê di nîvê rê de nehêlin.

PDKê di hilbijartinên Kurdistanê de 45 kursî bi dest aniye.

Back to top button