Bijî meşa serxwebûna Kurdistanê

Pişgiriya serokê Kurdistanê ya di destpêkirina pêvajoya serxwebûna Kurdistanê berdewam e. Parti û aliyên siyasî helwesta xwe didin kifşkirin.
Daxuyaniya PAKê:
Bijî Meşa Serxwebûna Kurdistanê 
Em di meşa ber bi serxwebûnê de bi ruh û bi dil bi  Serokê Herêma  Kurdistanê rêzdar Mesûd Barzanî 
re ne. 
Ev nêzî 10 mehan  e bi zext û zora hêzên  navneteweyî û dewletên herêmê, bi ser navê ’’yekîtîya 
Iraqê’’ hewldaneke  pînekirina Iraqê berdewam e. Lê aşkere ye ku vê hewldana pînekirinê negirt. 
Rastîyek li ber çavan e ku, êdî ’’ Iraq’’ sê parçe ye û tu parçe naxwaza di bin sî û hukumdarîya 
parçeyên din de bijî. Hemû soz û peymanên ku wê ji butçeya merkezî  ya para Kurdistanê bihata dayîn 
û  alîkarîya leşkerî  bi cîh nehatîye.
 Diviyabû li gorî Madeya 140ê   li deverên  wek Kerkûk, Xaneqîn û 
Şengalê referandûm lidarketiba. Lê mixabin Bexdayê pêwîstîyên vê maddeyê pêk neanî ye. Nuha 
piranîya van deveran di bin kontrola Pêşmergeyên Hikûmeta Kurdistanê de nin. 
Meşa serxwebûnê ya bihara par dest  kiribû, bi êrîşên DAÎŞê sekinîbû. Lê  nuh careke din û  ji  ya 
par xurttir ev meş didome. Li gorî agahîyên heyî, Serokê Herêma Kurdistanê rêzdar Mesûd Barzanî  li 
gel heyeta xwe, sefereke dîplomasîya serxwebûnê ya serkeftî  li Amerîka, Macarîstan û KomarÇekê li 
dar xist.
Piştî vegera Kurdistanê rêzdar Mesûd Barzanî, bi desthilatdarên herêma Kurdistanê, nûnerên 
partîyên siyasî û etnîsîteyan re civîya û bi awayekî vekirî ji hemûyan ji bo serxwebûnê piştgirî û 
yekdengî xwest. Û got  ’’heger hûn bi yekdengî  li pişt min bin, ez ê îro serxwebûna Kurdistanê îlan 
bikim’’ 
Êdî dunya vê rastîyê dibîne ku tu şîrêz jî nikare sê parçeyên ’’Iraq’’ê bi hev bizeliqîne. Lê dîtina  vê 
rastîyê r nake, divê dunya vê rastî vekirî  qebûl  jî bike û gavên êrênî bavêje. Êdî dunya divê gelê 
Kurdistanê mecbûrê yekitîyeke  ku tu carî dê pêkneyê û pînekirî neke. 
Em wek PAK  di meşa ber bi serxwebûnê de bi dil û bi can bi gelê xwe re, bi Serokê Herêma 
Kurdistanê rêzdar Mesûd Barzanî re , bi Parleman û  Hikûmeta Başûrê Kurdistanê  re ne 20.05.2015  
Bijî Serxwebûna Başûrê Kurdistanê 
Bijî Azadîya Kurdistanê 
Bijî Kurdistan 
Buroya Çapemenî û Ragehandinê ya Partîya Azadîya Kurdistanê (PAK) 
 
 

Nerîna min :