Barzani: Kurdistan ji bo diyarkirina çarenivîsa xwe referandumê dike
Di çerçova serdana xwe ya derveyê weêat de, Mesûd Barzanî Serokê Herêma Kurdistanê li Sofya ya paytexta Bulgarîstanê li gel Boyko Borisov Serok Wezîrê Bulgarîstanê civiya.Li vê kombûnê da ku Wezîrê Aborî û Wezîrê Çandin û Wezîrê Geştuguzariya(Turizm) Bulgarîstanê amade bûn, Serok Wezîrê Bulgarîstanê ji bilî balkişandina rola Kurdistanê li şerê terorê de spasî xweragiriya gelê Kurdistanê û qehremaniya hêzên Pêşmerge ya li şerê dijî terorîstên Da’îş kir. Her wiha eve jî ragihand ku şerê terorê ewlewiyeta welatê wane ji bo wê yekê jî hevkarê gelê Kurdistanê dibin. Her wiha balkişand li ser pêgeh û girîngiya Herêma Kurdistanê ya li navçeyê û amadehiya welatê xwe ji bo berfireh kirina peywendiyên aborî û çandî li gel Herêma Kurdistanê ragihand.
Li beranber da Serok Barzanî li gotarek da behsa qehremaniya Pêşmerge kir û spasî yarmetiya hevpeymanan kir û eve jî xisterû ku ewe Pêşmerge bû bi xwîna xwe efsaneya Da’îşê şikand. Serok Barzanî eve jî dûpat kir ku xwe bi hevpeymanê her welatek dizanîn ku şerê terorê bike û ragihand ku pêwîste ji bilî şerê serbazî şerê fikrî û aboriya terorê jî bêkirin û ew reg bêne hişk kirin ku bûne sedema serhildan û geşbûna terorê.Li beşekî dinê axaftina xwe de Serok Barzanî behsa hemahengiya serbazî û emnî ya di navbera Iraq û Herêma Kurdistanê kir û balkişand li ser wê yekê ku piştî dehan sal qurbanîdana gelê Kurdistanê biryara ewe dane ku bi navê diyar kirina çarenûsa xwe referandûmê bike. Hêjayî gotinêye êvariya heman rojê li bajarê Sofya ya paytexta Bulgarîstanê şîvek li ser şerefa Serok Barzanî ji aliyê Dimitar Glavchev Serokê Parlemena Bulgarîstanê ji bo Serok Barzanî û şanda li gel saz kir.
Li vê serdanê da Mesrûr Barzanî Şêwirmendê Encûmena Asayîşa Herêma Kurdistanê, Fuad Husên Serokê Dîwana Serokayetiya Herêma Kurdistanê, Azad Berwarî Endamê Mekteba Siyasî ya Partiya Demokrata Kurdistanê û Hêmin Hewramî Şêwirmendê Serok Barzanî şanda li gel Serok Barzanî pêkanîbûn.
