Li hinek bajarên Tirkiye kurdên ku li wan deran dixebitin rastî êrîşên gurubên Tirkên nijadperest tên. Gelek cara di van êrîşan de kurd jiyana xwe ji dest didin û birîndar dibin. Herî dawî Li Konya , Afyon û Enqere hinek kurd bûn armanca êrîşên nijadperestî du kes bi giranî 12 kes birîndar bûn. Her cara ku ev bûyer rûdidin aliyên siyasî û dezgehên sivîl van bûyeran şermezar dikin û bûyer têne ji bîr kirin.
Herî dawî ji bo vê êrîşa nijadperest 15 baroyên bajarên Kurdistanê daxûyaniyek hevbeş derxistin û bûyer şermezar kirin. Baroyên Agirî, Êlih, Çewlîg, Bedlîs, Dêrsim, Amed, Colemêrg, Qers, Mêrdîn, Mûş, Sêrt, Şirnex, Riha û Wanê jî derbarê van êrişan de daxuyaniyeke hevbeş belav kirin. Baro di daxûyaniya xwe de dibêjin: Nasname û zimanê Kurdî dibin bingehê van cureyên êrîşan .
15 baroyan di daxuyaniya hevbeş de êrişên nijdarperest ên li dijî Kurdan şermezar kirin û daxwaz kirin ku dawî li “siyaseta cudakar a li dijî Kurdan” bê anîn û lêpirsîneke bilez û karîger derbarê êrişan de bê pêkanîn.
