Amerîkayê li nêzîk Qamişloyê êrîşî artêşa Sûriyê kir

Amerîkayê pêgeheke Artêşa Sûriyê li nêzîk bajarê Qamişloyê yê Rojavayê Kurdistanê kire armanc.

Peyamnêrê Rûdawê li Rojavayê Kurdistanê ragihand, îro balafireke şer a Amerîkayê pêgeheke artêşa Sûriyê li başûrê bajarê Qamişloyê yê Rojavayê Kurdistanê bi rokêtekê kire armanc.

Li gor zanyariyên peyamnêrê Rûdawê, balafira amerîkî ji curê helîkopter bûye û êrîşî pêgeha artêşa Sûriyê ya ser bi fewca 54 li nêzîk gundê Raşidiyê li başûrê Qamişloyê kiriye.

Gundê Raşidiyê, gundekî ereban li başûrê Qamişloyê ye û dikeve navçeya di bin kontrola hêzên hikûmeta Sûriyê.

Peyamnêrê Rûdawê herwiha diyar kir, heta niha jî dengê balafirên helîkopter ên Amerîkayê li esmanê deverê tê bihîstin.