Abdullah Demirbaş: Ala Kurdistanê nûnertiya me nake

Oxtay Pîranij  berî heftiyek li avahiya Insiyatifa Azadî hevpeyvîneke biçûk li gel Abdullah Demirbaş Serokê Bajarvaniya Sur kiriye. Demirbaş ku ji partiya BDP hatiye hilbijartin, li ser pirsiyareke ala Kurdistanê dide zanîn ku Ala Kurdistanê nûnertiya wan nake.

Pirsên ji Abdullah Demirbaş hatine kirin wiha ne:

1-) Hun dibêjin ku ew ala niha ya Kurdistanê ku li dema xwe de li Komara Kurdistan ya li Mahabadê jî hatibû bilindkirin nûnertiya me nake? Gelo eve raste?

Abdullah Demirbaş: Belê raste, ew ala ku hun li gor xwe dibêjin ala Kurdistanê ye, ew ala nûnertiya me nake. Ala partiya me heye û em wê alê wekî ala Kurdistanê dizanîn û me wiha diyarkiriye.

2-) Başe, partiya we Kurdistanê naxwaze, ax naxwaze, gelo hun ji bo vê çi dibêjin?

Abdullah Demirbaş: Em nikarin ji Tirkan veqetin. Kurd û Tirk yek perçene û nayên veqetandin, wekî goşt û neynokin. Li vê pêvajoyê de daxwazkirina dewletê paşverutiye.

Ferz bikin ku me li rojhilata Tirkiyê Kurdistanê damezrand, gelo emê bikarin Kurdan ji Tirkan veqetînin û bînin Kurdistanê? Tirk û Kurdan pêkve zewac kirine û malbateke mezin pêkanîne, çiqas raste ku mirov endamên malbatê ji hevdû veqetîne?

3-) Gelo modela we ya çareseriyê ya ji bo Bakurê Kurdistanê çiye?

Abdullah Demirbaş: Em wekî partî li gel xweseriya demokratîkin. Lê ez dixwazim vê jî bibêjim: Sala par xanimeke Tirk hate bajarvaniyê û ji min re got:

“Hun daxwaza perwerdehiya bi zimanê zikmakî dikin, başe eger li hemû xwendingehan de Kurdî bibe zimanê dayikê, ez wekî Tirkekî ezê çawa bikaribim zarokê xwe bidim xwendin?“

Ez gelek li ser vê axaftina wê xanimê rawestiyam û min hizir kir û min maf da wê xanimê.

Ji ber ku ev tişta ku em jî dikin bi awayeke netewayetiye û nîjadperestiye. Em jî dijî netewayetiyê ne.

Nêrînek

  1. Tu û hemû malbat û binemala xwe qurbana wê ala Kurdistanê bibin û ew ked û mafê Kurda ji bo we dayî, ji devê we were û li we hemûyan heram be. Em we naborînin û hêvîdarim Xwedê jî li we neborîne…

  2. Demirbaş, zû da tiştên wusa dibêjî.. Carna nikarî bibêjî lê, rêberê wî A. Ocalan e$kire peyamên dijî Kurd û Kurdistanê dide û ji xa dengê BDP û yên derdora wan jî dernakeve, ango ew ji wan peyamên Ocalan diparêzin.. Nika, heta rowa îro min qet ji derdora BDPê, CHPê, MHPê AKPê..fb ra tiştek negotîye lê, Kurdên me yên dilsoz hê jî derdora BDP weki rêxistinek Kurd, ango rêxistinek Kurdewar dinirxînin, ew nirxandin, zîyanek mezin dide doza Kurd û Kurdistanê.. Bila pankarta Mersinê jî neyê bîra kirin.. Min çend ro berê ew rexneyên xa, li ser nivîsa rêzdar Dara Bilek jî eşkire kirî bûm.. Ez dibêm, sibê da, hindik rewşenbîrên me yên Kurdewar xa $a$ bikin û belevokekî amade bikin û bibên ku; kesên ku bi doza Kurd û Kurdistanê ra serê xa dê$înî bila dengê xa nedên vê partîya nijadperestê tirk jî..

  3. Ev xwelîser çi dibêje, diyare ku gêj bûye û ji …. xwe tiştan derdixe… kerem bikin Kovara Hawar a Celadet Ali Bedirxan çi dibêje:\r\nDi Hawarê de li ser alayê gelek nivîs û helbest hatine belavkirin.\r\nCeladet Alî Bedirxan di gotareke xwe de (gotar hem bi herfên latînî û hem jî bi herfên erebî hatîye çapkirin) di beşa behsa alayê de alaya me ya îroyîn destnîşan dike û wiha dibêje:\r\n”…..Ala Kurdan, ji jor ber bi jêr ve, ser hev, sor, sipî û kesk e, di nava wê de roj diçirise. (“Welat, Welatînî û Al”, Hawar, No: 9 (30 Îlon 1932), r. 1-2)

  4. Ji bo mijara Abdullah Demirbaş û gotinên wî yên ne baş re.\r\n\r\nErê, mixabin sîyaseta kurd mirovan bi nerênî dikare biguherîne, lê bêguman sedemên ji nav wê/wî mirovê jî tên hene, mînak (ne)bawerbûna li doza neteweyî û hwd di dil û mêjiyê wê/wî kesî de û rewşa qels a civatê jî bandorekî dî ye ji gelekên din.\r\nHerwiha A.D. di dîroka xwe de ji bo ''demokrasiya tirkiyê'' xebitiye, nêzîkbûna wî a bo sendîkavaniyê (ne ya Kurdistanî, lê a bi tirkiyeyî û kemalîst/çepitî) bi xurtî çêbûne, ji bo wê bi ''dewletê'' re ''şerê xwe'' kiriye, ji aliyê din ve jî ji ber xebatên xwe yê ''rêk û pêk'' ê Mamostetiyê li Kurdistanê (ji bo dagirkeran) xelatan jî wergirtiye, û ji bo wan hizr û tekoşîna xwe berdelan daye û surgun/nefî bûye li bajarên tirkan jî. Lê di salên 2000+(!)an de ji bo serokatiya şaredariya Sûrê û xebatên wê hatiye vexwendin û wî jî surgunî û mamostetiyê berdaye û hatiye Amedê, sedema vexwendina wî jî ne ji ber kurdewarî û Kurdistanîbûna wî bû ye, lê ji ber çepitî bûna (mijara pirr zimanî jî di vî çarçovê de kiriye, ne Kurdistanî) wî hatiye vexwendin. Bingeh dîsa çepitî û sendîkavanî ya dagirkeran e. Gotinên wî yên vê dawiyê çirîna rûpoş û maskeya wî ye, vegera wî ya rastiya xwe ye, girêdana bi giyan/rihî ya tirkiyeyî ye.\r\n\r\nMe ji ber kurdîhezî û Kurdistanîbûna xwe her tim karên wî yên ji bo zimanê kurdî şopandine, pesn û piştgiriya wî jî kirine, lê me her tim bala xwe jî dayê, ku ew xebat bes heta astekî dihate kriin û wek şowmeniyê û ji bo partî û çepitiya xwe ji aliyê wan ve tên bi kar anîn in. Ango/yanê hesab û planên wan di wan karên wan de hebû, ew jî nîşandana wan a ne Kurdistanîbûna wan bû.\r\nBila ew ji xwe bawer nebin, ku ji ber wan karan kirine Kurdistanîbûn bi dil û mêjiyên wan ên tije bi planên tirkiyeyî bimeşe.\r\nDoza gelê kurd diyar û zelal e, ew jî serxwebûn e, di asta herî kêm federalî (an jî tiştekî dî) ku ti hukma tirkan ser kurd, kurdî û Kurdistanî nebe, kurd bi xwe û azad xwe û welatê xwe birêvebibe û biryarên xwe bixwe bide ne.\r\n\r\nDigel silavên kurdîhezî û Kurdistanî \r\n\r\nSiberoj

Nerîna min :