Ketaib Hizbullah êrîşên xwe yên li ser DYE rawestand
Di demekê de ku metirsiya veguhertina şerê Îsraîl li Xezeyê ber bi nakokiyek rasterast a Amerîka û Îranê ve zêde dibe, pêngavek krîtîk ji aliyê Berxwedana Iraqê ve hat. Kataib Hizbullah ku berpirsê kujtina 3 leşkerên Amerîkî ye, êrîşên xwe rawestand.
Kataib Hizbullah, rêxistina berxwedanê ya Îraqî, ku Washington berpirsê êrîşa ser baregeha Amerîkî dibîne, şerê li hember Amerîkayê rawestand. Rêxistina ku beşa herî bi hêz a lingê Iraqê yê Bereya Berxwedanê ya bi piştgiriya Îranê ye, ragihand ku wan ev biryar “ji bo ku hikûmeta Iraqê şermezar neke” girtiye.
PENTAGON: ÇALAKÎ GIRÎNGtIR IN
Wezareta Paraztina Amerîkayê (Pentagon) angaşt kir ku di êrîşa ser leşkerên wê yên li ser sînorê Urdun-Sûriyê şopa Kataib Hizbullah hebû. Dema ku li ser biryara rêxistinê ya rawestandina êrîşên xwe yên li dijî Amerîka û Îsraîlê hat pirsîn, berdevkê Pentagonê tenê got: “Kiryar ji girîngtir in”.
Şêwirmendê Siyaseta Derve yê Serokwezîrê Iraqê Şîa El-Sudanî, Ferhad Alaadîn, ragihand ku wan “têkilî bi hemû aliyên li hundir û derveyî Iraqê re danîne” ê hat gotin ku di biryara Kataîb Hizbûllahê de rola Sûdanî çêbûye.
