Yan Tirkî biaxive yan bimire
Hayko Bagdad
Pêşniyara dewletê ya li hemberî Kurdan çi ye? Bila zimanê xwe ji bîr bikin, Kurdbûna xwe winda bikin, ji xwe re bibêjin tirk, bi tirkî bipeyivin; Yan bila li ber deriyê nexweşxaneyê bimirin, li ber deriyê dadgehê hêsîr bikevin, bi guleyên qanûnî bên gulebarankirin…
Em nîqaş dikin ku bi sepanek nû ya ku ji aliyê Wezareta Tenduristiyê ve hatiye pêkanîn, reçete bi 5 zimanan bê nivîsandin, lê Kurdî di nava van zimanan de nîne. Wezîrê Tenduristiyê Fahrettîn Koca bersiva rexneyan da. “5 zimanên biyanî anku Îngîlîzî, Almanî, Erebî, Fransî û Rûsî li sîstema E-Reçeteyê hatin zêdekirin. Zêdekirina van 5 zimanan li pergala E-Reçeteyê ji bo geştyaran û nexweşên biyanî hewce bû. Ji bo hemwelatiyên me bi yek ji van zimanan nivîsandina reçeteyê ne mimkûn e. Pergala T.C dema ku bi Nimreya Nasnameyê tê nivîsandin, sepana zêde tê astengkirin û tenê xizmeta Tirkî dikare bê wergirtin”.
Ji ber vê yekê ew pirsgirêkek teknîkî bû, rast e?
Eger welatiyên ku jimara nasnameya xwe ya Tirkî têxe sîstemê bi vebijarka zimanan re rû bi rû bimînin û vebijarka “Kurdî” derkeve pêşberî me, çi dibe? Lêkolîn nîşan didin ku teşhîsa penceşêrê bi derengî dikeve û rêjeya mirinê li parêzgehên Kurdî bilind e.
Di dadgeh, nexweşxane, postexaneyê de, dema xizmeta welatiyekî dike, bingeha dewleta civakî çi ye? Ji ber ku em dikarin bi 5 zimanan reçeteyan bidin nexweşên ku hewl didin dermanan bixwin, gelo çi xeletî heye ku zimanê Kurdî li vê lîsteyê bê zêdekirin? Bi milyonan Kurd li welêt dijîn. Bi milyonan kesên ku li malê bi Kurdî diaxivin, zimanê wan ê dayikê Kurdî ye û li dibistanê fêrî tirkî dibin hene. Jinên Kurd hebûn ku nekarîn biçin dibistanê û bi Tirkî nizanin, hîn jî hene, sibê jî wê hebin.
Îcar çima dewletek duyemîn zimanê herî mezin ê ku li welêt tê axaftin silav nake?
Çima fikra ku zimanên kevnar ên Anatolyayê dijîn, pêşvediçin û berheman çêdikin di heman demê de îslamîstên laîk û siyasî ditirsîne? Em welatek in ku li Kadikoya Kolana Îstîklalê muzîkjen ji ber ku li ser dikê bi Kurdî distrên tên kuştin.
Pêşniyara dewletê ya li hemberî Kurdan ku beşek girîng a nifûsa wê pêk tîne çi ye?
Bila zimanê xwe ji bîr bikin, Kurdbûna xwe winda bikin, ji xwe re bibêjin tirk, bi tirkî biaxivin, pir biaxivin. An jî bila li ber deriyê nexweşxaneyê ji ber pençeşêrê bimirin, li ber deriyê daggehê hêsîr bikevin, bi guleyên qanûnî bên gulebarankirin, di bin panzerê de bimirin. Mesele îdeolojîk e, ne teknîkî ye.
Hem dijminê Kurdan û hem dijminê Kurdî ne.
AG
