Keştiyeke barhilgir ku 16 deryavan tê de bûn, li peravên Bulgaristanê di êrîşeke dronî de nxerikî. Li gorî agahiyan 16 karmenddi keştiye de bûn, 14 ji wan hemwelatiyê Sûriye û 2 jî yên Misrê bûn.
Tîmên rizgarkirinê karibûn pênc karmendan, di nav de efserekî pola yekem ê Misrî, rizgar bikin. Xebatên lêgerînê ji bo dîtina 11 deryavanên din ên ku hîn jî winda ne, berdewam dikin.
Rayedarên Bulgaristanê gotin ku keştiya bi ala Gîne-Bissau 15 mîl li rojhilatê gundê Krabits noqî avê bû. Şeş qeyik û du helîkopter beşdarî operasyona lêgerînê bûn. berpirsên Bulgaristanê gotin ku hevrêziya bi xwediyê keştiyê yê Sûrî û sendîkaya Sûrî re dest bi şopandina hûrguliyên bûyerê kiriye.
Kesên sax mane, çar deryavanên Sûrî û deryavanekî Misrî, tê payîn ku bigihîjin Farna, Bulgaristanê. Eşref Memdûh, kaptanê Misrî û efserê payebilind ê li ser keştiyê, got ku keştî noqî avê bûye. Li gorî kovara Newsweek, keştî di 5ê Cotmehê de ji Cezayîr ber bi Romanyayê ve çû û ji bo veguhestina genim dihat bikar anîn.
Li gorî rayedarên Bulgaristanê, wê şevê Chelsea 3-yeke din a bi ala Maltayê rastî êrîşê hat. Her 15 endamên ekîbê, di nav de heft Ukraynî û heşt Azerî, hatin rizgarkirin.
Bulgaristanê bangî balyozê Rûsyayê kir. Serokwezîrê Bulgaristanê Romin Radev got ku welatê wî delîlên teqez ji bo destnîşankirina sûcdarên êrîşan tune ne, lê encama êrîşan bi sûda Rûsyayê dît. Moskow dibêje ku tu agahî li ser êrîşê tune. Radev di civîneke awarte ya Konseya Ewlehiyê ya Bulgaristanê de êrîşan wekî nepejirandî bi nav kir û got ku Bulgaristan hewl dide ku ji NATO û Yekîtiya Ewropayê alîkariyê werbigire.
