Serokê Herêma Kurdistanê Nêçîrvan Barzanî, piştî li Bexdayê tevlîbûna civînaHevpeymaniya Rêveberiya Dewletê li ser hesabê xwe yê X de daxûyaniyek ragihand. Di daxûyaniyê de serok Nêçîrvan barzanî behsa girîngiya civînê dike.
Nêçîrvan Barzanî dibêje:
Ez kêfxweş bûm ku duh êvarê li Bexdayê beşdarî civîna Hevpeymaniya Rêveberiya Dewletê bûm û bi birayên xwe, serokên çar serokatiyan û serokên blokên siyasî re civiyam.
Di civînê de rewşa giştî ya welêt û pirsgirêkên ku em pê re rû bi rû ne, ji bilî nirxandina pêşketinên dawî yên li ser dîmenên herêmî û navneteweyî, hat nîqaşkirin.
Me pabendbûna xwe ya ji bo pêşvebirina bernameya hikûmetê, bicihanîna erkên xwe û bidestxistina pêşîniyên neteweyî, nemaze yên têkildarî xurtkirina ewlehî û aramiyê û baştirkirina kalîteya xizmetên ku ji welatiyan re têne peyda kirin, ji nû ve piştrast kir.
Me her wiha girîngiya pêkanîna biryara sînordarkirina çekan ji bo dewletê tekez kir, ku serweriya hiqûqê xurt dike û ewlehî û aramiya Iraqê diparêze. Me tekez kir ku divê Iraq li herêmê hêzek aram bimîne û divê wekî platformek destpêkirinê an arena gefxwarina welatên cîran an jî welatên din neyê bikar anîn.
Me piştgiriya xwe ya tevahî ji bo Serokwezîr û hikûmetê di pêkanîna bernameya wan û gavên wan ên ji bo xurtkirina îstîqrarê de, û di xebata bi giyanê berpirsiyariya neteweyî ya hevpar de ji bo rûbirûbûna pirsgirêkên heyî, bi awayekî ku berjewendiya bilind a gelê me biparêze û rêya pêşketin û îstîqrarê xurt bike, tekez kir.
