Serokwezîrê Ermenistanê Nikol Paşînyan, ku di hilbijartinên parlementoyê yên li Ermenistanê de serkeftina xwe ragihand, derbarê pêvajoya normalîzekirina têkiliyên bi Tirkiyeyê re de daxuyaniyên girîng da.
Paşînyan di civîneke çapemeniyê de ku encamên hilbijartinê nirxand axivî û di bersiva pirsekî de peyamek da Tirkiye jî.. Paşînyan, ku bal kişand ser aştî û hevkariya herêmî, got ku wan di demên dawî de bi Tirkiyeyê re atmosferek erênî bi dest xistiye.
Paşînyan behsa pêvajoya normalîzekirina têkiliyên di navbera Tirkiye û Ermenistanê de kir û got, “Me bi Tirkiyeyê re dînamîkek pir baş bi dest xistiye. Ji bo ku em bigihîjin serkeftina dawî, divê em vê dînamîkê biparêzin.”
Paşînyan diyar kir ku vekirina sînorên di navbera her du welatan de û avakirina fermî ya têkiliyên dîplomatîk dê ji bo herêmê gavek girîng be.
Paşînyan her wiha li ser biryara vekirina xeta rêhesinê ya Akhalkalaki-Qersê, ku dê ji bo hinardekirin û hawirdekirina kelûpelên Ermenistanê were bikar anîn, şîrove kir û got ku ew ji vê pêşveçûnê kêfxweş e.
Paşînyan diyar kir ku xurtkirina torên veguhastin û bazirganiyê yên herêmî dê derfetên nû ji bo hem Ermenistanê û hem jî welatên cîran biafirîne, û got ku hevkariya aborî dê beşdarî pêvajoya aştiyê bibe.
Paşînyan her wiha diyar kir ku divê peymanek aştiyê bi Azerbaycanê re were îmzekirin, û vekirina korîdorên veguhastinê li herêmê dê pêşeroja Başûrê Qefqasyayê biguherîne.
Li gorî encamên nefermî yên ku di çapemeniya Ermenistanê de hatine ragihandin, Partiya Peymana Sivîl a Paşînyan di hilbijartinên parlemanî de bi rêjeyek mezin bi serket.
