CNN:Dibê ku Amerîka û Îran agirbestê dirêj bikin
Dibê ku Amerîka û Îran ji bo berdewamiya hevdîtina agirbestê dirêj bikin.
Li gorî CNN, Îran û DYA ji bo bidestxistina demê ji bo hevdîtinên nû yên danûstandinan, li ser dirêjkirina agirbesta heyî difikirin.
Çavkaniyên payebilind ên di rêveberiya DYA de diyar kirin ku “Karbidestên Wezareta Derve hîn jî bi bawerin ku rêyek dîplomatîk were dîtin.”
Çavkaniyan dibêjin ku, “li gorî rêça danûstandinan di rojên pêş de, dibe ku DYA û Îran biryar bidin ku agirbestê dirêj bikin.”
Civînek duyemîn a rasterast li ser maseyê ye
Karbidestên rêveberiya Trump di nav xwe de li ser îhtîmala hevdîtinek duyemîn a rasterast bi rayedarên Îranî re di hefteya pêş de, dema ku agirbest bi dawî dibe, nîqaş dikin. Lêbelê, hîn ne diyar e ka hevdîtinek wusa dê pêk were an na.
Çavkaniyan destnîşan kirin ku “eger danûstandinên heyî bi navbeynkarên herêmî re bi awayekî erênî pêşve biçin, vebijêrên ji bo dîrok û cîhê civînê têne nirxandin.” Hat tekez kirin ku ev nîqaş hîn jî “di qonaxek pir zû de ne.”
Karbidestekî got, “Ger tişt ber bi vî alî ve biçin, divê em amade bin ku tiştek zû organîze bikin.”
Gera nû piştî civîna Îslamabadê
Civîna dirêj a ku roja Şemiyê li Îslamabadê, paytexta Pakistanê, hat lidarxistin, encama hefteyên danûstandinên veşartî bû. Karbidestên payebilind ên Amerîkî, digel nûnerên ji Pakistan, Tirkiye, Misir, Oman û navbeynkarên din ên herêmî beşdar bûn.
Çavkaniyek herêmî got, “Îhtîmala gera nû ya danûstandinan heye, û Tirkiye dixebite ku nakokiyên di navbera her du aliyan de kêm bike.”
Bajarên cûda yên wekî Cenevre, Viyana û Stenbol ji bo gera berê hatibûn nirxandin. Li gorî çavkaniyan, Cenevre û Îslamabad vebijarkên herî bihêz ji bo gera nû dimînin.
