Kelha Hewlêr tê nû kirin

Serokê Komîsyona Vegerandina Kela Hewlêrê eşkere kir ku xebatên vejandina kelha Hewlêrê berdewame û niha jî kar li ser çêkirina cadeya navîn a kelehê tê kirin ku di demeke nêzîk de bi dawî dibe û keleh dê di meha Îlonê de careke din pêşwaziya geştiyaran bike.

Nihad Qoja got: “Pêvajoya nûjenkirina Kelha Hewlêrê bi alîkariya darayî ya Konsulxaneya Amerîka, Yekîtiya Ewropa û xêrxwaz (Şêx Baz Barzanî) berdewam e û li gorî plana sereke kar li ser kir, ji ber ku keleh dê bi awayê xwe were nûjenkirin, lewra nûjenkirina her malekê demek dirêj digire, ji ber ku em niha kolana navendî ya kelehê temam dikin.

“Tevî ku demsala havînê ye û dibe ku xelk kêmtir serdana kelehê bikin, lê rojên din hejmareke baş ji xelkê tên, ji ber ku berê rojane nêzîkî 1500 kes dihatin û ji ber nûjenkirinê, dê hejmar zêdetir bibe ji ber ku penageh hindik e kafeterya û çayxane jî bi xaniyan dê bên avakirin û xelk bên li wir bêhna xwe bidin, ev jî dê bibe sedem ku bêtir kes serdana wan bikin, lewra keleh bêtir pêşwaziya geştyarên biyanî dike û dê bi awayekê were nûjenkirin ku dê ji bo geştyarên biyanî balkêş be. Pêvajoya vegerandina kela Hewlêrê ti carî ranewestiyaye û emê berdewam bin heta ku bi temamî were vegerandin û bibe cihê arkeolojîk û geştiyariyê.”