Şanda Konferansa Netewiya Kurd tê Hewlerê
Şanda 18 neferiya Bakûrê Kurdistanê ji bo beşdarîkirina civîna amadekirina Konferansa Netewiya Kurd ji Amedê berev Hewlêra paytexta Herêma Kurdistanê birêket.
Her çende heta niha roj û cihê Konferansa Netewiya Kurd nehatiye diyarkirin, lê tê çaverêkirin ku bi hatina 18 neferiya şanda Bakûrê Kurdistanê û kombûna wan ya li gel rayedarên Başûrê Kurdistanê bi ragihandinekê destpêka vê Konferansê diyar dibe.
Wekî ku ji aliyê BDP ve hatiye ragihandin şanda 18 neferiya Bakûrê Kurdistanê ji van navan pêkhatiye: Selahattin DEMİRTAŞ Hevserokê Giştî yê BDP, Ahmet TURK Hevserokê Giştî yê Komeleya Civakên Demokratîk, Mulkiye BIRTANE Parlementerê BDP yê bajarê Qersê, Lutfi BAKSI Serokê Giştî yê KADEP, Sinan ÇIFTYUREK Serokê Giştî yê Partiya Sosyalizm û Azadî, Meryem ADIBELLI, Figen EKTİ Tevgera Jinên Azad û Demokratik, Seydi FIRAT, Mehmet BAYSAL DTK, Mazlum DİNÇ Nivîsngeha Asrın Hukuk, Nurhayat ALTUN Yekitiya Elewiyên Mezopotamya, Leyla AYAZ Meya-Der-, Karim BIRTEK KESK, Imam TAŞÇIER Serokê Giştî yê DDKD, Nahit EREN Cîgirê Serokê Sendikaya Parêzerê Amedê, Fikri BOZKURT Tevgera İslami ya Gel, Adem OZCANER Rêkxerê Giştî yê Insiyatifa Azadi, Azize ABİŞ, Saliha AYDENİZ, Nesime ÇIMEN Gruba Diyaloga Dicle Fırat.
