1ê Gulanê li hemû kedkaran pîroz be!

1ê Gulanê li hemû kedkaran pîroz be!Kedkarên bakurê Kurdistanê, îsal jî ji mafên xwe yên bingehîn ên aborî, civakî, neteweyî û demokratîk bêpar, pêşwazîya 1ê Gulanê dikin. Karker, kedkar û karmendên Kurd û Kurdistanê têkoşîna xwe ya ji bo azadî û serdestîya miletê xwe, welatê xwe û têkoşîna ji bo azadî, demokrasî, jîyaneke bi rûmet û edaleta civakî bi hev re dimeşîne. Ji ber vê yekê, 1ê Gulanê ji bo karker, kedkar û karmendên Kurd û Kurdistanê maneyeke xwe ya hîn firehtir û kûrtir heye.Di 1ê Gulana 2016an de karker, karmend û bi giştî kedkarên bakurê Kurdistanê di rewşeke xerab de dijîn; karker û karmendên bi kadro çiqas diçe kêmtir dibin, yên ku kêm maaş û bê mafên sosyal û kîngê bê xwestin ji kar tên dûr kirin, zêdetir dibin. Digel vê bi milyonan kes dixwazin kar bikin lê kar bi destê wan nakeve. Çi bigre hejmara bêkaran wê bigihîje hejmara kesên xwedî kar. Gelek karker û karmendên Kurdistanê bêorganîze ne, ji tirsa ku wê karên xwe wenda bikin, cesaret nakin di sendîka yan rêxistineke kedkaran de cî bigrin.Kedkarên Kurdistanê têkoşîna ji bo aborîyeke hîn baştir, maf û demokrasîyeke hîn firehtir û ya welatekî azad bi hev re dimeşîne.Têkoşîna neteweyî ya bakurê Kurdistanê, êdî di mustewayeke weha de ye ku, divê karmend, kedkar û karkerên Kurdistanê, li ser esasê neteweya xwe û welatê xwe rêxistinên xwe ava bikin. PAK dibêje ‘’Ji nuha ve Kurdistan’’. Jiber vê yekê jî, PAK bangî hemû kedkar, karker û karmendên Kurdistanê dike ku êdî bi navê Kurdistanê sendîka, komele, yekitî û dezgehên xwe ava bike.PAK dibêje em di 1ê gulanê de dengê xwe bilind bikin û bêjin ‘’Ji şer re na; ji çareserîya siyasî û ji azadîya Kurdistanê re erê’’Bi hêvîya ku, li ser axa welatê xwe, li ser bingehê azadî û edaleta civakî miletê Kurd û civaka Kurdistanê bikaribe xwe bi xwe bi awayekî azad îdare bike, Partîya Azadîya Kurdistanê 1ê Gulana hemû karker, kedkar û karmendên Kurd û Kurdistanê û dinyayê pîroz dike.01.05.2016Buroya Çapemenî û Ragehandinê ya Partîya Azadîya Kurdistanê (PAK)—————————————————————————————————-1ê Gulanî heme kedkaran rê pîroz bo!Kedkarê vakurê Kurdistanî emser jî heqandê xo yê bingeyî ê aborî, civakî, neteweyî û demokratîk ra bêpar şinê vera 1ê Gulanî. Karker, kedkar û karmendê kurd û Kurdistanî, micadeleyê xo ê qandê azadî û serdesteya miletê xo, welatê xo û tekoşîna qandê azadî, demokrasî, jiyanê da bi rûmet û edaletê ciwakî piya ray ra benê. Cora jî 1ê gulanî qandê karker, kedkar û karmendê kurd û Kurdistanî mehneyên da ci a herayêrî esta.1ê Gulana 2016i di karker, karmend û bi temamey kedkarê vakurê Kurdistanî halêndo xerab di jiyenê; karker u karmendê bi kadro (ê ki kandroyê îna esto) çendi şino kemî benê, ê ki bi meaşa kemî û bê heqê sosyal û çi wext biwazê şenê înan kar ra vecê vêşî benê. No hal di jî bi milyonan kesî wazenê kar bikerê labrê kar nêkevno îna dest. Tayn mendo ku homara (amora) kesê bêkara bireso ê ki karê înan esto. Xeylê karker û karmendê Kurdistanî bê organîze yê, bi tersê ki êdo karê xwe vinî kerê, cesaret nêkenê ki organîzasyon ya jî sendîkayê da karkeran di ca bigîrê.Kedkarê Kurdistanî micadeleyê qandê aborî ya hewna rindêrî, heq û demokrasiya hewna hera û welatê do azad piya ray ra benê.Micadeleyê netewî (millî) ê vakirê Kurdistanî ameyo mistewayê da wina ki lazimo karmend, kedkar û karkerê Kurdistanî esasê neteweyê xo û welatê xo dezgeyanê (organîzasyonanê) xo awa bikerê. PAK vana “Nika ra Kurdistan”. Qandê na jewi jî PAK veyndana heme kedkar, karker û Karmendanê Kurdistanî ki na ra tepya bi namedê Kurdistanî ya sendîka, komele û dezgeyanê xo awa bikerê.PAK vano ma 1ê gulane de vengê xo berz bikerê û vajê “şerî rê nê, helkerdişê sîyayî ra û azadîya Kurdîstanî ra e”.Bi hêvî ya ki erdê welatê xo sero, bingeyê azadî û edaletê ciwakî, miletê kurd û ciwakê Kurdistanî bişo xo bi xo bi awayê do azad idare bikero, Partiya Azadiya Kurdistanî 1ê Gulanê heme karker, kedkar û karmendanê kurd û Kurdistanî û dinyayî pîroz kena.01.05.2016Buroyê Çapkerdiş û Înformasyonî ê Partîya Azadîya Kurdistanî(PAK)—————————————————————————————————————