Bi helkefta 120 saliya ji dayîkbûna Serok Mistefa Barzanî, roja 12.03.2023ê, Komîteya Herêmî ya Partiya Demokrata Kurdistanê (PDK) li Swêdê civînek ji bo kurdên rûniştvanên Stockholm û derdora wê lidar xist. Hejmarek mezin beşdarî civînê bûn. Civînê bi deqeyek rêzgirtina ji bo giyanê pakê Barzanî û şehîdên Kurdistanê dest pê kir. Sirûda netewî Ay Raqîb hate xwendin.
Civîn bû du beş û di beşa yekem de, Îsa Feylî berpirsê Komîteya Herêmî ya Partiya Demokrata Kurdistanê bixêrhatina amadebûyan kir û Enwer Mesifî berpirsê liqê 6 yê PDKê yê Ewropayê ku bi du endamên liqê ji Almanya hatiye, gotarek pêşkêş kir.
parlameterê ji Partiya Lîberal a Swêdê Fredrik Malm, Serokê Komîteya Hevkariya Hêzên Siyasî yên Kurd û Kurdistanê li Swêdê Alî Cûma axaftin kirin û navên partî û rêxistinên ku nameyên pîrozbahiyê şandine hatin xwendin.
Di beşa duyemîn a civînê de panelek bi moderatoriya rojnamevan Nasrat Hacî bi beşdariya nivîskar û lêkolîne Hemîd Gawherî ji Rojhilatê Kurdistanê, siyasetmedar Ebdulbasit Seîda ji Rojavayê Kurdistanê û akademlst Ekrem Unen ji Bakurê Kurdistanê birêve çû. Her sêyan aliyekî ji jiyan û tekoşîna Serok Barzanî ji amadebûyan re şirove kirin.
