Trump û Putin wê di 15ê Tebaxê de li Alaska ya Amerîkayê bicivin.

Serokê Amerîkayê Donald Trump ragihand ku ew ê roja Înê 15ê Tebaxê li Alaska, bi Serokê Rûsyayê Vladimir Putin re bicive. Trump diyar kir ku peymana aştiyê ya Rûsya-Ukraynayê dê were nîqaşkirin û ew ê behsa hinek guhertina axê jî bikin.

Serokê Amerîkayê Trump di postekê de li ser hesabê xwe yê Truth Social tarîx û cihê civîna xwe ya bi Serokê Rûsyayê Putin re ragihand.

Trump di daxuyaniya xwe de diyar kir ku ew ê roja Înê 15ê Tebaxê li Alaska, bi Putin re bicive.
Trump di civîna bilind a Washingtonê de axivî û diyar kir ku peymanek aştiyê ya potansiyel a Rûsya-Ukraynayê dê hinek guhertin yan jî veguheztina axê jî bête behs kirin.

Serokê Amerîkayê diyar kir ku guhertinên erdê dê ji bo aştiyê di berjewendiya her du aliyan de bin.