Serokomarê Tirkiyeyê sersaxiyê li Serokwezîrê Kurdistanê dike

Recep Teyîp Erdogan serokomarê Tirkiyeyê, roja çarşemê 04.04.2018ê, bi boneya wefatkirina Dilovan Îdrîs Barzanî, birayê Nêçîrvan Barzanî, bi telefonê peywendî bi Nêçîrvan Barzanî Serokwezîrê Herêma Kurdistanê kir û sersaxiyên gihandinê. Di wê peywendiya telefonî de, Serokomarê Tirkiyeyê ji Nêçîrvan Barzanî û malabata Barzan re sersaxî xwest û ji kûratiya dil hevderdî û hevxemiya xwe nîşan da û got ku di vê kovanê de ew xwe hevparê xem û kovana Nêçîrvan Barzanî û Malbata wî dizane. Erdogan hêvî xwest ev xema dawiyê ya malbatê be û Xwedayê mezin xwedêjêrazî bi rehma xwe bi beheştê xwe şad bike.Nêçîrvan Barzanî ji bo wê peywendiya telefonî û nîşandanan hevderdî û hevxemiyê sipasiya Recep Teyîp Erdogan Serokomarê Tirkiyeyê kir.