Serokkomarê Tirkiye li Kurdistanê
Serokkomarê Tirkiye Recep Tayyîp Erdogan û şandeke pê re îro danê êvarê gihîştin Herêma Kurdistana Iraqê, li Hewlêrê, Serokê Herêma Kurdistanê Nêçîrvan Barzanî, Serokwezîrê Herêma Kurdistanê Mesrûr Barzanî û Cîgirê Serokwezîr Qubad Talebanî û hejmareke wezîr û berpirsên payebilind ên Herêma Kurdistanê ve hatin pêşwazîkirin.
Her du serokan behsa serdana Erdogan bo Bexdayê û hevdîtinên wî yên ligel berpirsên pilebilind ên Iraqê, peywendiyên Tirkiyê ligel Iraq û Herêma Kurdistanê bi taybetî di warê aborî û bazirganî de tedbîrên ewlehiyê hatin gotûbêjkirin.
Li hevdîtinê de Serok Barzanî dilxwaziya Herêma Kurdistanê ji bo pêşxistina têkeliyên ligel Komara Tirkiyê di hemû waran de nîşan da û tekez li ser wê yekê kir ku Herêma Kurdistanê weke hertim faktora aştî û aramiya navçeyê ye û spasiya Tirkiye jî kir ku, di demên dijwar de piştevaniya Herêma Kurdistanê dike.
Di hevdîtinê de Serokwezîrê Herêma Kurdistanê Mesrûr Barzanî tekezî li ser amadebûna Hikûmeta Herêma Kurdistanê ji bo pêşxistina peywendiyan û hevkariyên aborî û bazirganî yên ligel Tirkiyê kir û herwiha behsa derfetên kar û veberhênanê ji bo kompanyayên Tirkiyê di hemû waran de kir û spasiya piştevaniya wan kir.
Ji aliyê xwe ve, Serokomar Erdogan tekezî li ser berdewamiya piştevaniya welatê xwe ji bo Iraq û Herêma Kurdistanê û amadehiya welatê xwe ji bo hevkarîkirin û berfirehkirina peywendiyên li gel Iraq û Herêma Kurdistanê di hemû waran de kir û tekezî li ser pêwîstî û giringiya parastina aştî û aramiyê li navçeyê kir. herêmê û çareserkirina pirsgirêkên wê û dabînkirina mafên civakan.
Her du serokan her wiha pêşhatên dawî yên li herêmê, ewlehiya sînor, têkoşîna li dijî terorê û mijarên din ên ku di berjewendiya herdu aliyan de ne, gotûbêj kirin.
