Nêçîrvan Barzanî Serokê Herêma Kurdistanê, pêşwaziya birêz Abdulezîz El Şemerî Balyozê Şahnişîna Erebîstana Suudiye li Iraqê kir.
Li civînê de birêz Balyozê Suudiye silavên rêzdar Şah Selman Şahê Erebîstana Suudiye û Mîr Mihemed Bin Selman Cîhnişînê Suudiye bi Serok Nêçîrvan Barzanî gihand, her wiha pêşxistina peywendiyên Iraq û Herêma Kurdistanê li gel Erebîstana Suudiye, rewşa Iraq û navçeyê bi giştî, şerê dijî terorê û metirsiyên Da’îş û çend pirseke dinê girîng û hevbeş guftûgo kirin.
Birêz Balyozê Suudiye piştgîriya welatê xwe ji bo aramiya Iraq û navçeyê bi giştî derbirî û her du alî tekez li ser girîngiya hebûna nêrîneke hevbeş û têgihiştina ji bo çawayiya çareserkirina kêşeyan û parastina aramiya li navçeyê da kir.
