CîhanCivak

Serokê Giştî yê PAKê li Berlînê Seredana Dilşad Barzanî kir

 Serokê Giştî yê PAKê Mustafa Özçelik li gel endamên Meclîsa PAKê Nimet Mumtaz Aydin, M.Ali Yildirim, Sirac Kirici û Mirza  Akar,  roja 17.11.2015ê li  Berlîn a paytextê Elmanya yê seredana rêzdar  Dilşad Barzanî , nûnerê Hikumeta Kurdistanê li Elmanyayê kir.Rêzdar  Dilşad Barzanî û heyeta nûneratîya Hikumeta Kurdistanê bi awayekî germ pêşewazîya heyeta PAKê kirin.Rêzdar  Dilşad Barzanî xêrhatina heyeta PAKê kir. Rêzdar Mustafa Özçelik jî jibo vê pêşewazîyê spasîya xwe bilêv kir û jibo rizgarkirina Şingalê pîrozbahîya Serokê Herêma Kurdistanê rêzdar Mesûd Barzanî û ya Hikûmeta Kurdistanê kir.Di serêdanê de Rêzdar Mustafa Özçelik, di derbarê rewşa siyasî ya bakurê Kurdistanê û bîr û rayên  PAKê de agahdarî da.Herweha  jibo têkiliyên dîplomasîyê pêwistîya alîkarî û hemahengîya her çar perçeyên Kurdistanê bilêv kir.Rêzdar  Dilşad Barzanî jî jibo pêşdebirin û organîze kirina peywendiyên dîplomasî û siyasî amadebûna xwe bilêv kir.Hevdudîtîna rêzdar  Dilşad Barzanî û heyeta PAKê di atmosfereke germ,dostane û berhemdar derbas bû.Buroya Capemenî û Ragehandinê  ya PAKê 

Back to top button