Serok Barzanî li Bexdayê li gel balyozên gelek welatan hevdîtin kirin
Serok Barzanî li Bexdayê pêşwazî li Balyozê Brîtanyayê li Iraqê Stephen Hitchen kir
Di hevdîtinê de, Serok Barzanî amajekirina bi kêşeyên di navbera Herêma Kurdistanê û Îraqa Federal de di salên derbasbûyî de kir û behsa sedemên serdana xwe ya bo Bexdayê û hevdîtinên bi aliyên siyasî re kir.
Di beşeke din e hevdîtinê de, Balyozê Brîtanyayê li Iraqê piştevaniya welatê xwe ji bo serdana Serok Barzanî bo Bexdayê û başkirina peywendiyên Herêma Kurdistanê û Iraqa Federal nîşan da û amaje bi wê kir, Birîtanya di hemû rewşan de bi giringî li Iraq û Herêma Kurdistanê dinêre, bi taybetî di warê aborî, gefên terorê û diyardeya koçberiyê de.
Cîbicîkirina rêkeftina Şingalê, hilbijartinên Herêma Kurdistanê, babeta mana hêzên hevpeymanan û pêwendiyên dualî, mijarên din ên hevdîtinê bûn.
Serok Barzanî î li Bexdayê pêşwazî Balyozê Fransayê li Iraqê Patrick Durriel kir
Di hevdîtinê de, Serok Barzanî ji bilî amajekirina bi kêşe û astengiyên siyasî yên Iraqê, hokarên serdana xwe ya bo Bexdayê û hevdîtinên bi aliyên siyasî yên Iraqê re şîrove kir.
Her di vê hevdîtinê de, Balyozê Fransayê li Iraqê behsa serdana Serok Barzanî bo Bexdayê û pêşwazî li diyarkirina dema hilbijartinên Herêma Kurdistanê kir û ragihand, welatê wî piştgirîya baştirbûna peywendiyên di navbera Herêma Kurdistanê û Iraqa Federal de dike.
Peywendiyên di navbera Herêma Kurdistanê û Fransayê û pêşhatên navçeyê, mijareke din a hevdîtinê bû.
Serok Barzanî li Bexdayê pêşwazî li Balyozê Rûsyayê li Iraqê Îlbrus Kutraşev kir
Di civînê de, peyvendiyên di navbera Hewlêr û Bexdayê de û rewşa siyasî ya Îraqê hate gotûbêjkirin û Serok Barzanî hokar û palnerên serdana xwe ya bo Bexdayê û civînên bi aliyên siyasî yên Îraqê re û hebûna niyeta çareserkirina kêşeyan ji bo şanda mêvan pêşkêş kirin.
Balyozê Rûsyayê li Iraqê jî di hevdîtinê de tekez kir, ku welatê wî dixwaze li Iraqê aramî pêk were û pêwendiyên Herêma Kurdistanê û Iraqa federal bihêztir bibin.
Di beşeke din a vê hevdîtinê de ronahî hate xistin ser guhertin û pêşhatên navçeyê û wan metirsiyên ku aramiya navçeyê dikine armanc.
Serok Barzanî li Bexdayê pêşwazî li Balyozê Çînê li Iraqê kir
Serok Barzanî pêşwaziya Tisuy Wî Balyozê Çîn li Iraqê kir û di wê hevdîtinê de Serok Barzanî got ku niyeta çareserkirina kêşeyên di navbera Hikûmeta Herêma Kurdistanê û Hikûmeta Iraqa Federal de tê dîtin
Di hevdîtinê de tîşk xistin li ser rewşa siyasî ya Iraqê û Serok Barzanî sedemên serdana xwe ya Bexdayê û civîna li gel aliyên siyasiyên Iraqê xisterû û ragihand ku niyeta çareserkirina kêşeyên di navbera Hikûmeta Herêma Kurdistanê û Hikûmeta Iraqa Federal de tê dîtin û bi derfetekî baş ji bo yekalîkirina kêşeyan û berçavgirtina berjewendiyên niştimaniyan da zanîn.
Her di vê hevdîtinê de Balyozê Çînê xweşhaliya xwe ji bo serdana Serok Barzanî ya Bexdayê nîşan da û piştevaniya welatê xwe jî ji bo çareserbûna giriftên di navbera Hewlêr û Bexdayê ragihand. Her wiha xweşhaliya xwe jî ji bo diyarkirina dema birêveçûna hilbijartina Parlemena Kurdistanê derbirî.
Peywendiyên di navbera Herêma Kurdistan û welatê Çînê li warên cûda cûda mijarên dinê vê civînê bûn.
Amerîka piştevaniya serdana Serok Barzanî bo Bexdayê dike
Serok Barzanî li Bexdayê pêşwazî Balyoza Amerîkayê li Iraqê Alina Romanowski kir û di wê hevdîtinê de Balyoza Amerîka li Iraqê piştevaniya welatê xwe ji bo serdana Serok Barzanî û baştirbûna peywendiyên di navbera Herêma Kurdistanê û Bexdayê de nîşan da.
Di hevdîtinê de, Serok Barzanî sedemên serdana xwe ya bo Bexdayê eşkere kir û amaje bi wê kir, piştî ku hate hestkirin ku niyazpakî heye bo çareserkirina kêşeyan û pabendbûn bi destûrê û dirustbûna atmosfereke erênî li Bexdayê û herwiha ji bo gotûbêjkirina mijarên niştimanî, serdana Bexdayê kiriye.
Derbarê mayîna hêzên hevpeymanan jî Serok Barzanî ragihand, ev pirseke niştimanî ye û ne girêdayî ti aliyek ye û divê aramî û berjewendiyên Iraqê li ber çavan bên girtin.
Her di vê hevdîtinê de, Balyoza Amerîka li Iraqê piştevaniya welatê xwe ji bo serdana Serok Barzanî û baştirbûna peywendiyên di navbera Herêma Kurdistanê û Bexdayê de nîşan da û tekezî li ser handana Hikûmeta Herêma Kurdistanê û Hikûmeta Federal a Iraqê kir, ji bo peywendiyên xwe pêşde bibin û diyaloga xwe berdewam û xurt bikin.
Di derbarê hilbijartinên Herêma Kurdistanê de jî, Balyoza Amerîkayê pêşwazî li dema lidarxistina hilbijartinên Parlamentoya Kurdistanê kir.
