Roja pênçşem 11.02.2016 birêz Mesûd Barzanî Serokê Herêma Kurdistanê bi mebesta beşdarîkirina Konferansa Asayîşa Munîx 2016 li rêya Firokxaneya Navdewletiya Hewlêrê berev welatê Elmanya birêket.Li çarçêweya konferansê da Serok Barzanî beşdarî panêlekî taybet ya di derbarê rewşa siyasî û emnî ya Rojhilata Navîn û hereşeya teror û serkeftinên hêzên Pêşmergeyên Kurdistanê û her wiha rewşa aboriya Herêma Kurdistanê dike. Wiha biryare li çarçêweya vê konferansê da Serok Barzanî çendîn hevdîtin li gel hejmarek ji berpirsên welatan û kesayetiyên navçeyî û navdewletî da encam bide.Li vê serdanê da Fuad Husên Serokê Dîwana Serokayetiya Herêma Kurdistanê û Felah Mistefa Berpirsê Fermangeha Peywendiyên Hikûmeta Herêma Kurdistanê çanda li gel Serok Barzanî pêktînin.