Serdana Vance ya Pakistanê hate paşxistin
Serdana Cîgirê Serokê Amerîkayê JD Vance a Pakistanê ya ji bo dan û standinên Îran û Amerîkayê di xuleka dawî de hat paşxistin.
Di demekê de ku ji bo bidawîhatina agirbesta du hefteyî tenê çend saet mane, nebawerî û nezelaliya di navbera aliyan de bandoreke neyînî li ser hewlên dîplomatîk dike.
Rayedarên Koşka Spî ragihand ku serdana JD Vance a Îslamabadê ya ku biryar bû vê sibehê zû dest pê bike hat bipaşxistin.
Rayedarekî bilind ê ku nexwest navê wî were eşkerekirin diyar kir ku biryar hat dayîn ku Cîgirê Serok li Washingtonê bimîne û beşdarî hinek civînên polîtîk ên li Koşka Spî bibe.
Vê bipaşxistinê dilgiraniyên li ser pêvajoya dan û standinan û îhtimala lihevhatina aliyan zêdetir kirin.
Pakistan li benda bersiva Îranê ye
Hikûmeta Pakistanê ya ku ragihandibû ew amade ye mazûvaniya gera duyem a dan û standinan bike, li benda pejirandina fermî ya Tehranê ye.
Birêvebiriya Îranê hîn ti piştrastkirinên eşkere nedane ku dê şandeyekê bişîne dan û standinên li Îslamabadê yan na.
Wezîrê Agahdariyê yê Pakistanê Ataullah Tarar bi rêya hesabê xwe yê medyaya civakî daxuyaniyek da.
Tarar destnîşan kir ku berî bidawîhatina dema agirbestê biryara Îranê ji bo paşeroja pêvajoyê “krîtîk” e.
