Robert O’Brien: Vegera aştiyê bi hêzê ye
Heger Trump bibe serok divê siyaseta Amerîkayê hişktir bibe
Ji hilbijartinên Amerîkayê re 5-6 meh man. Partî û siyasetmedar ji niha de ketine nav amadekariyê. Serokatiya Bîden di siyaseta Amerîkayê de nermî û qelsîyek çêkir û cesaretek mezin da dijberên amerîka yên wek Rûsya, Çîn û Koreya Bakur. Vê yekê heta astekê payebilindiya Amerîkayê jî kêm û lawaz kir. Yek jî berbijêrên serokatiyê dîsa Donald Trump e. Tê gotin ku heke Trump bibe serok, wê giraniya xwe bide ji nû ve destpêkirina çêkirina çekên kîmyewî û siyasetek hişktir bimeşîne. Di vê derbarê de Şêwirmendê Ewlekariya Netewî yê berê O’Brien piştî 32 salan banga çalakiyê kir û ji niha ve xwe ji bo serokatiya Trump amade dike.
Şêwirmendê berê yê Ewlehiya Netewî yê Qesra Spî Robert O’Brien,li ser îhtîmala vegera Donald Trump, di kovara Foreign Policy Foreign Affairs de nivîsek nivîsand bal kişand ser xwe hatina Trump û siyaseta pêşerojê ya Amerîkayê.
Parêzerê 58-salî di gotara xwe ya bi navê “Vegera aştiyê bi hêzê ye” diyar kir ku heke Trump di hilbijartinên Mijdarê de bi ser bikeve wê siyaseta derve çawa be. O’Brien angaşt kir ku divê ceribandinên çekên nukleerî ji nû ve bên destpêkirin û giranî li ser hilberîna plutonyûm û uranyumê bê dayîn. O’Brien dibêje, DYA bi helwesta xwe ya tundtir hevrikan di rêzê de digire û qelsiya Bîden wan teşwîqî berberiya Amerîkayê dike.
O’Brien ê ku di heyama 2019-2021an de Şêwirmendê Ewlehiya Netewî yê Qesra Spî bû, destnîşan kir ku Amerîkayê ji sala 1992 yan û vir ve ceribandinên çekên nukleerî nekiriye, divê Amerîka dawî li vê rewşê bîne.
Wî bang li Waşîngtonê kir ku tevdîran bigire da ku hejmara giştî ya çekên navokî yên Rûsya û Çînê derbas bike.
Li gor Federasyona Zanyarên Amerîkî, Dewletên Yekbûyî 5044, Rûsya 5580 û Çîn jî 500 serikên nukleerî hene. Pisporên kontrolkirina çekan hişyarî dan ku ev pêşniyar wê pêşbirka çekên nukleerî ya cîhanî bileztir bike.
Hin pispor jî zêde dikin ku di rewşek weha de wê Rûsya û Çîn bibin xwediyê avantajên zêdetir û wê ewlehiya Amerîkayê zehmettir bibe.
