Rêxistinên Kurdistanî li Qoserê Enfal şermezar kirin

15/04/2015

PAK û Rêxistinên Kurdistanî Îro Li Qoserê Jenosîda Enfalê Şermezar Kirin

Partîya Azadîya Kurdistanê (PAK) û Partî û rêxistinên sîyasî yên Kurdistanî wek HAK-PAR, PDK-T, PDK-S, PDPK-S, PDK-Bakur, Yêkitî-Sûrî û TEVGERê îro li navçeya Qoserê ya Mêrdînê Jenosîda Enfalê şermezar kirin.

Gelek endamên sazî yên sivîl û welatî ji bo şermezar kirina Jenosîda Enfalê bi alayên Kurdistanê li Qada Azadîyê civîyan. Bi destpêka sirûda netewî ya Kurdistanê ji bo şehîdên Kurdistanê rêzgirtinê, çalakî destpê bû.

Piştî rêzgirtinê Serokê Teşkîlata Mêrdînê yê PAKê rêzdar Bedran Acar li ser Jenosîda Enfalê agahdarî dan û endamê PAKê Abdulkadir Unal jî daxuyanî xwend.

Daxuyanî bi diruşmên “Bijî Yekitîya Kurdan” û “Bijî Kurd û Kurdistan” bidawî hat.(14.04.2015)

Buroya Çapemenî û Ragehandinê ya PAKê

15/04/2015