Ajansa Veguhastina Hewayî ya Federal a Rûsyayê ragihand ku damezrînerê Wagner Yevgeny Prigojin di bûyere balafirê ya li herêma Tverê de jiyana xwe ji dest da.
Di daxuyaniya nivîskî ya Wezareta Rewşa Awarte ya Rûsyayê de St. Hat ragihandin ku balafira taybet a ku diçû Sankt Petersbûrgê li herêma Tverê ket xwarê.
Di nûçeya ku ajansa nûçeyan a Rûsî TASS a ser bi Ajansa Veguhastina Hewayî ya Federal a Rûsyayê (Rosaviatsiya) ve ye de, hate diyarkirin ku Prigojin li balafira taybet a ku li Tverê ketibû xwarê bû.
Di lîsteya rêwiyên di balafirê de alîkarê Prigojin û yek ji damezrînerên Wagner Dmitriy Utkin û Sergey Propustin, Yevgeniy Makaryan, Aleksandr Totmin, Valeriy Cekalov, Nikolay Matuseyev hebûn
Ji aliyê din ve di hin kanalên Telegramê yên ku tê zanîn nêzîkî Wagner in, hat îdiakirin ku balafir ji aliyê sîstemên parastinê yên artêşa Rûsyayê ve hatiye xistin.
Li aliyê din Ajansa Veguhastina Hewayî ya Federal a Rûsyayê (Rosaviatsiya) piştrast kir ku Prigojin di ketina balafirê de miriye.
