Polîtîk

PKKê li Bedlîsê rê birî û 3 cerdevan revandin

Gerîlayên PKKê, li ser rêya Xîzanê ku navçeya bajarê Bedlîsê ye, rê birîne û 3 cerdevan bi xwe re birine.

Di navbera gerîlayên PKKê û cerdevanan de pevçûn derketiye. Di encama pevçûnê de cerdevanek birîndar bûye û 3 cerdevan jî ji aliyên gerîlayan ve hatine girtin.

Di vê mijarê de, walîtiya Bedlîsê daxuyaniyeke nivîskî belav kiriye û diyar kiriye ku, gerîlayên PKKê li çaterêya gundê Olekliya Jêr, ku bi navenda bajarê Bedlîsê ve girêdayiye, rê birîne û heta demekê nasnameya rêwiyan kontrol kirine. Daxuyaniya walîtiya Bedlîsê wiha ye:

“Îro, seet derdorê 15.00 an de, komek gerîlayên PKKê, li çaterêya gundê Olekliya Jêr, rê birîne û nasnameya rêwiyan kontrol kirine. Wesaîteke ku ber bi gundê Çeltikliyê de diçû, ji aliyê gerîlayan ve hatiye rawestandin. 3 cerdevanên ku di heman wesaîtê de bûne, hatine revandin.

Dîsa wesaîteke din jî bi çekên lûledirêj hatiye gulebarandin û hemwelatiyek hatiye birîndar kirin. Hemwelatiyê bi navê Abdullah Durgun, rakirine nexweşxana Bedlîsê û girtine bin dermankirinê. Rewşa Durgun ne giran bûye.

Îro PKKê jî daxuyaniyek belav kir û eşkere kir ku, serokê AKPê yê bajarê Colemêrgê ku hefta çûyî ji aliyê PKKê ve hatibû revandin, wana A.mecît Tarhanê ku serokatiya bajarê Colemêrgê yê AKPê dike, girtine.   

Back to top button