PDK û YNK li Silêmaniyê civiyan û ragehandina hevbeş pêkanî
Şandeyeke polîtbûroya Partiya Demokrata Kurdistanê (PDK) ku, ji Fazil Mîranî sekreterê PDK-ê , Mesrûr Barzanî û Mihemed Mehmûd endamêm polîtbûroya PDK-ê pêkhatibû serdana bajarê Silêmaniyê kir û digel şandeyeke polîtbûroya Yekêtiya Niştimaniya Kurdistnê (YNK) ku, ji Mela Bextiyar, Omer Fetah û Hakim Qadir endamên polîtbûroya YNK-ê pêkhatibû, civiya.
Dicivînê de çend mijarên giring û akyuel yên weke:
– Aramkirin û çareserkirina pirsgirêkên heyî,
– Nirxandina rewşa herêma Kurdistanê,
– Rewşa siyasiya Îraqê û pirsa biherêmbûna wîlayetên Îraqê û
– Rewşa Rohhilata Navîn, hatin gotûbêj kirin
Lo gor hatiye zanîn PDK û YNK-ê di civîna xwe de pêşniyara sê komîteyan kiriye:
1- Nirxandina rewşa Rojhilata Navîn
2- Pirsa biherêmbûna wîleyetên Îraqê
3- Ragehandina hevbeş di navbera PDK û YNK-ê de
Bi taybetî her du aliyan tekîd li ser pêkanîna komîteyeke ragehandinê ya hevbeş kir ku di dema qewmîna bûyeran de yek helwest hebe.
Ebdulwehab Elî endamê seroaktiya bajarê Silêmaiya a PDK ji Xendanê re got ku ji bo ku ji nuha û pê de PDK û YNK-ê li hember pêşhat û guhertinan yekhelwest hebe komîteyeke ragehandina hevbeş pêktînin û dê berprisên ragehandina her du aliyan di komîteyê de cî bigirin.
Elî got: ”Dema bûyerek diqewime nabe PDK û YNK her yek li newalekê helwesta xwe rabigehîne.”
Weke tê zanîn di dema qewmîna bûyerên vê dawiyê li Zaxoyê û hin deverên din ragehanidna YNKê ku, digel PDK-ê hikûmeta herêma Kurdistanê pêktîne, berprisiyariya xwe bi cî ne anî.
