Namzedê PDKê li Kerkûkê li ser pêwîstiya vegera Pêşmerge ya ji bo Kerkûkê ragehand, ewên ku dijatiya vegera Pêşmerge dikin paşmayên DAIŞê û koleyên welatên din in.
Namzedê PDKê yê bi hejmara 30 li bazineya Kerkûkê Şaxewan Ebdula bi beyanameyekî de ragehand: Pêşmergeyên lîwayên Kerkûkê yên hêzên Pêşmergeyên Kurdistanê xelkê Kerkûkê ne û ti kesek nikare mafê berevanî kirina wan a li Kerkûkê ji wan bistîne.’’
Şaxewan Ebdula ragehand: Ew kesên dijatiya vegera hêzên Pêşmerge ya ji bo Kerkûkê dikin, paşmayên DAIŞê û koleyên welatên derdorê ne û derûna wan nexwaş û şovenîst in.
Namzedê PDKê amaje bi qurbanîdana hêzên Pêşmerge ji bo parêzgariya li Kerkûkê kir û ragehand: Divê zû kar ji bo beşdarbûna hêzên Pêşmerge li parastina asayîşa Kerkûkê bê kirin.
Şaxewan Ebdula diyar kir ew guh nadin axaftin û daxazên şovenîstî û paşmayên DAŞê. ‘’Em tenê guh li xelkê niştimanperwer li herdu pêkhateyên ereb û tirkmen digrin. Ew rijd in li ser pêkvejiyan û pêkvebûnê.
