PAK bi girseyî beşdarî merasîma cenazeyê şehîd Seîd Çurukkaya(Dr.Suleyman) bû
PAK bi girseyî beşdarî merasîma cenazeyê şehîd Seîd Çurukkaya(Dr.Suleyman) bûSerokê Giştî yê PAKê Mustafa Ozçelîk û rêveber û endamên PAKê roja 08.10.2016an li gundê Çilkanî(Yenikoy) ya Çewligê , bi awayekî girseyî beşdarî merasîma cenazeyê şehîd Seîd Çurukkaya(Dr.Suleyman) bûn.Ji başûrê Kurdistanê Abdulxalik Bapîr ê nûnerê serokê Herêma Kurdistanê rêzdar Mesûd Barzanî, Berdevkê Wezareta Pêşmerge Helgurd Hîkmet, endamê Komîteya navendî ya PDKê Elî Ewnî, Serokê Dezgeha Xêrxwaziya Barzanî Şêx Ezîz Şêx Riza, berpirsê Eleqata Derve ya PDKê Nîzar Botanî û heyeteke qelebalix beşdarî merasîma cenazeyê bûn. Nûnerên ENKSê jî bi qelabalixî belşdarî cenazeyê bûn. Li ser navê PDK Îranê mesaja sersaxîyê hete xwendin.Ji bakurê Kurdistanê Serokê Giştî yê PDK BAKUR Sertaç Bûcak, Serokê Giştî yê HAKPARê Refîk Karakoç, Serokê Giştî yê PDKT M.Emîn Kardaş, Cîhgirê Serokê Giştî yê PSKê Bayram Bozyel, Sekreterê Giştî yê Hereketa Azadî Sidkî Zîlan,berdevkê PAKURDê Î.Halîl Baran û serok û rêveberên dezgehên sivîl, rewşenbîr, sîyasetvan û girseyeke mezin ji gelê kurdistanê bi alayên Kurdistanê beşdarî merasîma cenazeyê şehîd Seîd Çurukkaya(Dr.Suleyman) bûn.
Girseyê di saet 10.300ê spêdê , ji ber mizgeftê, tabûta şehîd Seîd Çurukkaya bi meş anîn ber mala şehîdî. Li wê derê malbat û gundîyên şehîdî, şîn girêdan. Paşê girse , bi alên Kurdistanê û bi dirûşmên ‘’Bijî Kurdistan, Bijî Serxwebûn, Bijî Pêşmerge’’, heta qebrîstanê meşîyan.Li ser qebrîstanê ji alîyê meleyî ewilî telqîna dînî hate xwendin. Paşê bi xwendina ‘’ey reqîb’’ ji bo şehîdên Kurdistanê rêz hate girtin. Piştî rêz girtinê li ser navê Komîteya Amadekar Sebahatîn Korkmaz, xêr hatin û spasîya beşdaran kir û navê partîyên beşdarî merasîmê bûne pêşkêş kir.Piştî axaftina Sebahatin Korkmaz, Abdulxalik Bapîr ê nûnerê Serokê Herêma Kurdistanê rêzdar Mesûd Barzanî , di derbarê têkoşîna şehîd Seîd Çurukkaya(Dr.Suleyman) û rewşa Kurdistanê giştî de axaftinek kir. Abdulxalik Bapîr got ‘’Îro roj roja piştgirîya daxwaza serxwebûna Kurdistanê ye. Emê wê alaya ku Şêx Seîd, Seyid Riza, Îhsan Nûrî Paşa, Qazî Mihemed û Mele Mistefa Barzanî yê nemîr teslîmî me kirîye, bigihînin Kurdistaneke azad û serbixwe’’.Berdevkê Wezareta Pêşmerge Helgurd Hîkmet jî behsa qehremanî û dilsozîya şehîd Seîd Çurukkaya û têkoşîna li DAIŞê ya li başûrê Kurdistanê Kurdistanê kir. Helgurd Hîkmet bi zaravayê Soranî axaftina xwe kir û girîngîya vê xwedî lêderketina gelê bakurê Kurdistanê û ya hêzên her çar parçeyê Kurdistanê ya li şehîd Seîd Çurukkaya anî ziman.Li ser navê ENKSê Abdulbasît Hemo axaftinek kir. Abdulbasît Hemo, behsa têkoşîna li her çar perçeyên Kurdistanê kir û got divê li bakurê Kurdistanê partî û hêzên netewî, Kurdistanî tifaqa xwe pêk bînin. Ev tifaqa dê tesîra xwe li başûr, rojava û rojhilatê Kurdistanê jî bike.Ji bakurê Kurdistanê Fuad Onen jî di axaftina xwe de, behsa rêbaza şehîd Seîd Çurukkaya kir û got ew şehîdê her çar perçeyên Kurdistanê ye. Fuad Onen got şehîd Seîd Çurukkaya ji me re mesaja Kurdistanîbûnê, mesaja girîngîya têkoşîna azadî, rizgarî û serxwebûnê dida û dê ev têkoşîn her berdewam be.Ferman Çurukkaya li ser navê malbata şehîdî axaft. Ferman Çurukkaya bi Zazakî axaftina xwe kir û got, ‘’Şehîdê Kurdistanê Seîd Çurukkaya ne jibo cimhûrîyeta demokratîk lê ji bo Kurdistana serbixwe şehîd ket’’ û spasîya hemû beşdaran kir ku di bin ala Kurdistanê de li şehîdê xwe xwedî derketine..Merasîma cenazeyê bi axaftina Ahmed Kasimoglu bi dawî hat. Ahmed kasimoglu jî bi Zazakî axaft û dilsozîya şehîdê Kurdistanê Seîd Çurukkaya(Dr. Suleyman) anî ziman.Tazîye ya şehîd Seîd Çurukkaya(Dr. Suleyman) sê rojan li gundê wî, li Çilkanî(Yenikoy) ya Çewligê bê danîn. 08.10.2016Buroya Çapemenî û Ragehandinê ya PAKê
