NY bertek nîşanî biryara Talîban da
Li Afganistanê 63 kes ji alî Talîban ve hatin qamçîkirin û ev yek li cîhanê raserî bertekan hat. Helwesta Talîban û qamçîkirina 63 kesên Afganî ji alîMîsyonera Alîkarî ya Neteweyên Yekbûyî ya li Efxanistanê (UNAMA) ve hat şermezarkirin.
UNAMA di daxuyaniya xwe de diyar kir ku roja Sêşemê 14 jê jin 63 kes bi awayekî eşkere rastî cezayê qamçîkirinê hatine.
UNAMAyê di daxuyaniya xwe de bertek nîşanî cezayê qamçiyan da û got: “Em carek din cezayên laşî şermezar dikin û banga rêzgirtina li erkên mafên mirovan ên navnetewî dikin”.
Dadgeha Bilind a ku di bin kontrola Talîbanê de ye ragihand ku cezayê qamçiyan di bin çavdêriya karbidestên herêmî de li stadyûma li parêzgeha Sar-i Pol a li bakurê welêt hatiye kirin.
Dadgehê ragihand ku kesên hatine qamçîkirin ji ber sûcên wek “hevzayendî, zînayê û diziyê” cezayê qamçiyê li wan hatiye birîn.
Bi vekişîna Amerîkayê di Tebaxa 2021ê de, Talîbanê pêşî Kabûl û paşê jî tevahiya welêt girt. Rêxistinê çûna zanîngehê û di gelek kargehan de karkirina jinan qedexe kir.
Serokê Talîbanê Hibetullah Axundzade di meha Adarê de gotibû jinên ku li gor qanûnên şerîetê zînayê dikin wê li cihên giştî bi kevir û qamçiyan bên cezakirin.
