Nêçîrvan Barzanî Bexda û Hewlêrê nêzîkî hev kirin

Hikumeta Federal pêşwaziyê li destpêşxeriya Nêçîrvan Barzanî ya şandina 100 hezar bermîlên petrolê bi rêya Somo dike, Herêma Kurdistanê jî berdewamiya danustandinan ragihand.

Nêçîrvan Barzanî Serok Wezîrê Herêma Kurdistanê ragihand, l ê meha bê Herêma Kurdistanê rojane dê 100 hezar bermîlan bişîne û got: “Heta niha çi peyman nehatîne dest û danustandin di gel Bexda berdewamin”.

Husên Şehristanî pêşwaziyê li vê destpêşxeriyê kir û di beyannameyekê da ragihand, eve pêngaveka erêniye ‌bi hêviya wê çendê astê şandinê li paşerojê bête zêdekirin.

Necîba Necîb Endama Hevalbenda Kurdistanî ragihand, destpêşxeriya Nêçîrvan Barzanî hevdû nêzîkbûnek dirustkiriye û Bexda nêzîkî wê çendê bûye mercên (te’cîzî) di budçeyê da li ser Herêma Kurdistanê rake.