Mûçeyên Herêma Kurdistanê mehane bişînin
Hat ragihandin ku 81 parlamenterên partiyên cuda yên Parlamentoya Iraqê nameyek hevbeş îmze kirine û ji bo mûçeyên karmendên Herêma Kurdistanê pêşkêşî Sûdanî kirine.
Di nameya ku bi îmzeya 81 parlamenterên Parlamentoya Iraqê ji Serokwezîrê Iraqê Mihemed Şîa El Sûdanî re hat şandin de, ji bo çareserkirina pirsgirêka mûçe û mûçeyên karmendên li Herêma Kurdistanê, erkdarkirina Wezaretên Darayî û Plandanînê hat xwestin da ku mûçe bi rêkûpêk û mehane bi rêya hesabekî bankî yê diyarkirî bê dayîn.
Di nameyê de daxwaz hatiye kirin ku wezaretên darayî û plandanînê ji bo çareserkirina kêşeyan bên erkdarkirin, karmend û fermanberên Herêma Kurdistanê neyên cudakirin û wek karmendên Iraqê têkildarî bi wan re bê kirin.
Di nameyê de hatiye gotin ku “tu têkiliya karmendan bi nakokiyên siyasî re nîne. Divê bi awayekî dadmendî têkildarî bi karmendên Kurdistanê re bê kirin”.
