Mesrûr Barzanî bi heyteke rûsî re civiya
Duhî (25.01.2012) li Selahedînê, Mesrûr Barzanî pêşwaziya sefîrê Rusiyeyê yê Bexdayê Valeri Shovayêv kir.
Di dîdasrekê de ku, konsulusê Rusyayê yê Hewlêrê û Hêmin Hewramî nerpirsê peyvendiyên derve yê Partiya Demorkata Kurdistanê ama de bûn, Mesrûr Barzanî kêfxweşiya xwe li hember vê serdana han diyar kir.
Endamê polîtbûroya PDK û serokê Prastinê Mesrûr Barzanî got ku, ew dixwaze peyvendiyên heyî yên di navbera her dû aliyan de li gorî xwestek û berejwendiyên her dû gelên kurd û Rusiyayê de bin bi taybetî ku, peyvendiyeke bihêz û dîrokî ya dostane di navebra serokatiya Kurdistan û serkirdayetî û gelê Rûsiyeyê de heye.
Ji aliyê xwe ve, sefîrê Rûsiyeyê jî kêfxweşiya xwe li hember vê hevdîtinê eşkere kir û ji bo wê pêşwaziya gerim ya ku li wan hatiye kirin, spasiya Mesrûr Barzanî kir û tekez li ser bihêztirkirina peyvendiyên dîrokî yên di navbera her dû aliyan de ku, vedigerin bo serdema şoreşa kurdî a bi serokatiya Barzaniyê nemir û hêvî xwestin ku, ev dîroka han bibe fakterek sereke bo bihêztirkirina peyvendiyên di navebra her dû aliyan de.
Heyeta Rusiyayê li hember asta bilind ya kar û çalakiyên konsuluxaneya Rûsiyeyê ya li Hewlêrê diyar kir û ji bo wê hevahengî û hevkariya, di her warî de ji wan re hatiye pêşkêş kirina, spasiya serokatiya Kurdistan û gelê kurd kir û dan zanîn ku, sedema vê yekê jî asta bilind ya hişyariya gel û serokatiya Kurdistanê ye.
Li gor KTVê, heyeta mêwan rewşa baş ya ewlekarî û emnîya Kurdistanê jî bilind nirxand û di vî warê de jî spasiyên xwe pêşkêşî Mesrûr Barzanî kirin ku, kariye di vê pêvajoya aloz de ya ku, Îraq tê de derbas dibe, rewşa ewlekariya Kurdistanê bi başî biparêze.
Di berdewamiya vê hevdîtinê de her du alîyan rewşa emnî û ewlekarî ya Îraq û Kurdistanê jî rave kir û çendîn babet û meseleyên girêdayî yên vê mijarê jî nirxandin.
Heyeta mêwan rola serokên kurd bi giştî û ya serok Barzanî bi taybetî di nava prosesa siyasî ya Îraq, parastina tecrûbeya demokratîk û parastina hevsengiya heyî ya di navbera hêz û aliyên siyasî, etnîkî û olî li Îraqê de bi roleke girîng û dîrokî wesif kir.
Di dawiya vê hevdîtinê de sefîrê Rûsiyeyê yê li Îraqê, jiber bi dawî hatina dema erkdariya wî li Bexdayê, xatira xwe ji Mesrûr Barzanî xwest.
