Şahwelat Kiliç ku li gundê Irişata Ercişa Wanê dijî, bêyî ku tu perwerdehiyeke peykertaşiyê bibîne, bi serê xwe fêrî hunera peykertaşiyê bûye û li peykerên xwe de sûd ji dîroka Kurd û Ermeniyan werdigre û li hewşa mala xwe de pêşangeheke peykertaşiyê vekiriye.
Hunermend Şahwelat dide zanîn ku ew hewl dide dîroka Kurd û Ermeniyan li hunera xwe de bikarbîne û got: Dema ku ez li ser peykereke dîrokî de dixebitim, ez jî diçim nava wê çîroka dîrokî û ez jî li wê dîrokê de dijîm. Bi taybetî dema ku lehengên şerwanan çêdikim ew gurz û tîr û kevan min jî têxin nava dîrokê û wê serdemê. Her wiha dema ku ez xewde bim gelek car xewnê wan lehengan dibînim.
