Hewlêrî bi hatina Nêçîrvan Barzanî kêfxweş in

Hevwelatiyên bajarê Hewlêrê bi hatina Nêçîrvan Barzanî weke serokê hikûmeta herêma Kurdistanê kêfxweş in û di wê baweriyê de ne ku Nêçîêrvan Barzanî di ware îdarekirina welêt de tecrûbeyeke baş heye û ew dê gelek pirsgirêk, daxazên xelkê  û arîşeyan çareser bike.

Li gor peyamnêrê malpera Ruber ku li nav bajarê Hewlêrê geriyaye û li ser hatina Nêçîrvan Barzanî weke serokwezîrê Kurdistanê raya hevwelatiyên paytextê Kurdistanê wergirtine, eşkere bûye ku piraniay xelkê li benda wê rojê ne ku careke din Nêçîrvan Barzanî bibe serokê hikûmeta Kurdistanê.

Yek ji hevwelatiyan bi nave Karwan Salih (43) got ku, serdema kabîneya pencê ku Nêçîrvan Barzanî serokê hikûmetê bû, bajarê Hewlêrê ji qonaxekê derbasê qonaxeke pir pêşkeftin û avadanîyê  kir. Salih got: “ Em bi hatina Nêçîrvan Barzanî kêfxweş in û Barzanî dikare vî bajarî û Kurdistanê bi giştî ber bi pêşve bibe û pirojeyên xwe yên berê timam bike.”

Şilêr Qasim (25)  got ku, Nêçîrvan Barzanî di rêvebirina hikûmetê de tecrûbeyeke zengîn heye û divê vê care zêdetir ji bona xweşiya jiyana hevwelatiyan bixebite. Şilêrê got: “Nêçîrvan Barzanî di gelek waran de ji bo çareserkirian arîşeyên jinan dixebitî. Li serdema kabîneya pêncê heta dereceyekê pirsa kareb û avê çareser bibû.  Nuha jî eger ew bibe serokê hikûmetê, ez bawer dikim ku ew pirsgirêkên hene dikare çareser bike.”

Hogir Miheme Emîn, xwendekarê zanîngehê,  kêfxweşiya xwe bi hatina Nêçîrvan Barzanî bi serokatiya hikûmetê diyar kir û got: “ Di serdema serokwezîrtiya Nêçîrvan Barzanî de giriftariyên xwendekar û gêncan heta dereceyeke baş hatbûn çareser kirin. Pirojeyê akincîkirinê ku li serdema kabîneya pêncê dest pê kir bû baştirîn piroje bû û gelek xwendekar bi xêra wî pirojeyê bûn xwediyê xaniyên xwe, nuha jî ew dikare karên zêdetir bike û arîşeyên gêncan binbir bike.”

Piraniya mediyakarên bajêr jî di wê baweriyê de nek u di serdema kabîneya pêncê de a bi serokatiya Nêçîrvan Barzanî başitr alîkariya saziyê mediya û ragehandinê dihat kiirn û rewşa rojnamevanan jî baştir bû. 

Bersiv :

Nêrîna te
Nav: